←  Psalms (54/150)  →

---

1.

Doonkoy jine bora se. I m'a doon da moolo beeri karyaŋ. Dawda baytu fo no kaŋ a te

2.

waato kaŋ Zif kwaara borey koy ka ci Sawulu se ka ne: «Ni mana bay kaŋ iri game ra no Dawda bara ga tugu?»

3.

Ya Irikoy, m'ay faaba nda ni maa. Ma ciiti ay se mo ni hino ra.

4.

Ya Irikoy, ma maa ay adduwa, Ma hanga jeeri ay me sanney se.

5.

Zama yawyaŋ tun ay gaa, Toonyanteyaŋ mo n'ay fundo ceeci, I mana Irikoy daŋ ngey jine mo. (Wa dangay)

6.

A go, Irikoy ya ay gaako no, Ay Koyo wo ay fundo gaayko no.

7.

A g'ay ibarey bana nda ngey laala. Ni m'i halaci ni naanayo ra.

---

←  Psalms (54/150)  →