← 1Chronicles (16/29) → |
1. | Huchiin Pathian bawm a honla lut ua, puanin Davidin a bawlsak, laizang ah a koihta uhi: huan Pathian maah halmang thillatte leh lemna thillatte a lan uhi. |
2. | Huan Davidin halmang thillat leh lemna thillatte a lat khitin TOUPA minin mite a vualjawl hi. |
3. | Huan Israel mi chih kiangah, pasal leh numei mi chih kiangah tanghou beu khat, sa bak khat, leh grepmingaw beu khat a hawma. |
4. | Huchiin TOUPA bawm maia nasem ding leh TOUPA, Israel Pathian kipahpih ding leh kipahthugen ding leh phat dingin Levi mite laka kuate hiam a septa hi: |
5. | Asaph a pipen, amah zomin Zekaria, Semiramot, Jeiel, Mattithia, Eliab, Benai, Obed-edom, Jeiel, Pekging guisawmneite leh kaihgingte toh; huan Asaph dakkhutbette, ngaihtaka ging toh; |
6. | Huan Benai leh Jahaziel siampute Pathian thukhunna bawm maa, om nilouhlouhte toh. |
7. | Huchiin huai niin Davidin, Asaph leh a unaute khutin, TOUPA kianga kipahthute gen ding a hihkip masapenpen hi. |
8. | Aw TOUPA kiangah kipahthute gen unla, a min lou un; mite lakah a thilhihte theisak un. |
9. | Amah lasaksak unla, phatnalate saksak un; a nasep lamdangte tengteng houlim un. |
10. | A min siangthou suang unla: TOUPA zongte lungtang kipak hen. |
11. | TOUPA leh a hatna zong unla; a mel zong nilouh un. |
12. | A hihkhitsa a thilhih lamdangte theigige unla; a lamdannate leh, a kama vaihawmte; |
13. | Aw nou a sikha Israel chi, nou a mitelte, Jakob tate. |
14. | Amah TOUPA i Pathian ahi: a vaihawmte lei tengtengah a om hi. |
15. | Khantawnin a thukhun theigige unla, suan sang khatte kianga a piak a thu; |
16. | Thukhun Abraham toh a bawl, huan Isaak kianga a thuchiam; |
17. | Huan huaimah thuseh dingin Jakob kiangah a hihkipa, Israel kiangah khantawn thkhun dingin: |
18. | Na kiangah Kanaan gam, na goutan tuan, konpe ding, chiin: |
19. | Hihzaha mi tawmchik phet na hih lai un; ahi, tawm chik mahmah, a sunga khualzinmite; |
20. | Nam dangdang kiangah a ban hoh ua, gam dangdang akipanin mi tuamtuamte kiangah. |
21. | Kuamah nuaisiah a phal keia; ahi, amaute jiakin kumpipate leng a sal hi; |
22. | Khoih kei unla, ka jawlneite poi himhim leng khoih kei un, chiin. |
23. | Leitung luahte tengteng aw, TOUPA pahtawiin lasa unla, ni tengin a hotdamna thu theisak un. |
24. | Nam chih lakah a thupidan gen unla, mi chihte lakah a thillamdang hihte gen un. |
25. | TOUPA lah a thupi-a, nakpi mahmaha phat ding a hih jiakin; pathian tengteng sanga kihtak ding ahi. |
26. | Mi chih pathiante lah milim ahi ngal ua; TOUPAN bel vante a bawl hi. |
27. | Pahtawina leh thupina a maah a oma; hatna leh kilawmna a mun siangthou-ah a om hi. |
28. | Mi chiha chi chihte aw, TOUPA kiangah pia unla, TOUPA thupina leh hatna pia un. |
29. | TOUPA a min thupina pia unla, thillat ding tawi unla, a maah hongpai un; siangthou kilawmnain TOUPA chibaibuk un. |
30. | Lei tengteng aw, a maah ling un; khovel a lin theih louhna dingin hihkipin a om hi. |
31. | Vante kipak takin om uhenla, lei leng nuamsa takin om hen; nam chih lakah, TOUPAN vai a hawm, chi uheh. |
32. | Tuipi leh a sunga thil om tengteng ging hon henla; gam leh a sunga om tengteng kipak takin om hen; |
33. | Huchih hun chiangin gamnuaia sing tengtengin TOUPA maah nuamsain la a sa ding ua, lei vaihawm dingin lah a hong pai sin ngala. |
34. | Aw TOUPA kiangah kipahthu gen un, amah lah a hoih ngala; a chitna khantawna om ding ahi ngala. |
35. | Aw, ka hotdamna uh Pathian, honhondam inla, na min siangthou phat ding leh, na phatna suang dingin, nam chih laka kipan honpi khawm inla, honhumbitin, chi un. |
36. | Israelte Pathian TOUPA phatin om hen, Khantawn akipan khantawn dongin. Huan, mipi tengtengin, Amen, a chi ua, TOUPA a phatta uhi. |
37. | Huchiin huaia TOUPA thukhunna bawm maa ni teng a kuldan bang jela nasem dingin Asaph leh a unaute a koihtaa; |
38. | Obed-edom leh Hosa, a unau uh sawmguk leh giat te toh; Jeduthun tapa Obed-edom leh Hosa te kongkhakngakmi dingin ahi ua; |
39. | Huan Zadok siampu leh, a unaute siampute, Gibeona om mun sanga TOUPA biakbuk maa, |
40. | Jingsang leh nitaka halmangthillat maitam tunga TOUPA adia halmang thillatte lan gige dingin, Israel kiangah thupiaka piak, TOUPA dan sunga kigelh dungjuiin; |
41. | A chitna khantawna a om jiakin TOUPA kianga kipahthugen ding Heman leh Jeduthun leh mi dang min loha telkhiakte toh; |
42. | Heman leh Jeduthunin Pathian lasaklna dia vanzatte, pengkulte leh dakkhutbette, ngaihtaka ginsak dingte a nei ua; kongkhakngakmi ding Jeduthun tapate toh.Huchiin mipi tengteng amau in lam chiat ah a paita ua; huan David leng a inkote vualjawl dingin a pai sam hi. |
43. | Huchiin mipi tengteng amau in lam chiat ah a paita ua; huan David leng a inkote vualjawl dingin a pai sam hi. |
← 1Chronicles (16/29) → |