← Zechariah (4/14) → |
1. | Ingilosi eyayikhuluma lami yabuya futhi, yangivusa njengomuntu ovuswa ebuthongweni. |
2. | Yathi kimi: Ubonani? Ngathi: Ngibona, khangela, uluthi lwesibane olwenziwe ngegolide kuphela, phezu kwalo lulomganu wamafutha, lezibane eziyisikhombisa, lezimbobo zezibane eziyisikhombisa. |
3. | Kulezihlahla zomhlwathi ezimbili phansi kwalo, esinye singakwesokunene somganu, lesinye singakwesokhohlo sawo. |
4. | Ngasengisithi kuyo ingilosi eyayikhuluma lami: Nkosi yami, kutshoni lokhu? |
5. | Yasingiphendula ingilosi eyayikhuluma lami isithi: Kawazi ukuthi kutshoni lokhu? Ngathi: Hatshi, Nkosi yami. |
6. | Yasisithi kimi: Nanti ilizwi le Nkosi kuZerubhabheli lithi: Ukuphumelela kwakho kakusikho ngengalo langamandla, kodwa ngomoya wami, kutsho i Nkosi yamabandla. |
7. | Wena uyini, ntaba enkulu? Phambi kukaZerubhabheli uzakuba ligceke. Yena uzabeka ilitshe lokucina, abantu besithi: Kuhle, kuhle! |
8. | Ilizwi le Nkosi lafika kimi lisithi: |
9. | Izandla zikaZerubhabheli zabeka isisekelo salindlu, zizaqeda ukulakha. Khona-ke lizakwazi ukuthi i Nkosi yamabandla ingithumile kini. |
10. | Ngubani odelele usuku lwezinto ezincinyane? Uzathokoza lapho ebona uZerubhabheli ephethe ilitshe elikhethiweyo. Ingilosi yasisithi: Izibane eziyisikhombisa zingamehlo e Nkosi athalazayo umhlaba wonke. |
11. | Ngasengisithi kuyo: Zitshoni lezizihlahla zomhlwathi ezingakwesokunene soluthi lwesibane langakwesokhohlo yini? |
12. | Ngasengisitsho ngokwesibili ngisithi: Zitshoni izingatsha ezimbili zezihlahla zomhlwathi eziseceleni kwembobo ezimbili zegolide okuthululwa ngazo amafutha? |
13. | Yathi kimi: Kawazi ukuthi kutshoni lokhu? Ngathi: Hatshi, Nkosi yami. |
14. | Yathi: Laba bangabagcotshiweyo ababili abema eNkosini yomhlaba wonke. |
← Zechariah (4/14) → |