| ← SongOfSongs (2/8) → |
| 1. | Ngilirozi leSharoni, umduze wezigodi. |
| 2. | Njengomduze phakathi kwameva, unjalo umngane wami phakathi kwamadodakazi. |
| 3. | Njengesihlahla sama-aphula phakathi kwezihlahla zeganga, sinjalo isithandwa sami phakathi kwamadodana. Ngahlala emthunzini waso ngathokoza kakhulu, lesithelo saso simnandi ekunambitheni kwami. |
| 4. | Sangisa endlini yewayini, lesiboniso saso phezu kwami siluthando. |
| 5. | Ngisekelani ngeziphiso zewayini, lingiqinise ngama-aphula, ngoba ngigul isw a lu thando. |
| 6. | Isandla saso sokhohlo singaphansi kwekhanda lami, lesokunene saso siyangigona. |
| 7. | Ngiyalifungisa, madodakazi eJerusalema, ngemiziki kumbe ngezimpala zeganga, ukuze lingaphazamisi lingavusi uthando luze luthande. |
| 8. | Ilizwi lesithandwa sami! Khangela sona siyeza, siseqa phezu kwezintaba, siqolotsha phezu kwamaqaqa. |
| 9. | Isithandwa sami sinjengomziki kumbe njengethole lendluzele. Khangela simi ngemva komduli wethu, silunguza emawindini, sizibonakalisa eminxibeni yewindi. |
| 10. | Isithandwa sami saphendula sathi kimi: Vuka wena, mngane wami, omuhle wami, a si hambe wena. |
| 11. | Ngoba khangela, ubusika sebudlulile, izulu seliphelile, lihambile. |
| 12. | Amaluba ayabonakala emhlabeni, isikhathi sokuhlabelela se sifikile, lelizwi lejuba liyezwakala elizweni lakithi. |
| 13. | Isihlahla somkhiwa sivuthisa imikhiwa yaso eluhlaza, lamavini ale mpoko aletha iphunga elimnandi. Vuka wena, mngane wami, omuhle wami wena, si hambe. |
| 14. | Juba lami, elis engoxweni yedwala, ekusithekeni kweliwa, ngitshengisa ubuso bakho, ngizwise ilizwi lakho, ngoba ilizwi lakho limnandi, lobuso bakho buyabukeka. |
| 15. | Sibambeleni amakhanka, amakhanka amancinyane, ona izivini, ngoba izivini zethu zile zimpoko. |
| 16. | Isithandwa sami ngesami, lami ngingowaso, eselusa phakathi kwemiduze. |
| 17. | Kuze kube semadabukakusa, lamathunzi abaleke, phenduka, sithandwa sami, ube njengomziki kumbe njengethole lendluzele phezu kwezintaba zeBhetheri. |
| ← SongOfSongs (2/8) → |