| ← Psalms (84/150) → |
| 1. | Athandeka kangakanani amathente akho, Nkosi yamabandla! |
| 2. | Umphefumulo wami uyalangatha, yebo ngitsho, uyaphela yikunxwanela amaguma e Nkosi. Inhliziyo yami lenyama yami kuyakhala kuNkulunkulu ophilayo. |
| 3. | Intaka layo iyathola indlu, lenkonjane isidleke sayo, lapho engabeka khona abantwana bayo, amalathi akho, Nkosi yamabandla, Nkosi yami, loNkulunkulu wami. |
| 4. | Babusisiwe abahlala endlini yakho, bazahlala bedumisa wena. Selah. |
| 5. | Ubusisiwe umuntu omandla akhe akuwe, okukhona imigwaqo emikhulu enhliziyweni yabo. |
| 6. | Abadabula isihotsha seBaka basenza sibe ngumthombo; lezulu liyagcwalisa amachibi. |
| 7. | Bahamba besuka emandleni besiya emandleni, ngulowo lalowo abonakale phambi kukaNkulunkulu eZiyoni. |
| 8. | Nkosi Nkulunkulu wamabandla, zwana umkhuleko wami, ubeke indlebe, Nkulunkulu kaJakobe. Selah. |
| 9. | Nkulunkulu, sihlangu sethu, khangela ubone ubuso bogcotshiweyo wakho. |
| 10. | Ngoba usuku emagumeni akho lungcono kulenkulungwane. Ngikhetha ukuba sembundwini womnyango endlini kaNkulunkulu wami kulokuhlala emathenteni enkohlakalo. |
| 11. | Ngoba i Nkosi uNkulunkulu ililanga lesihlangu; i Nkosi izakupha umusa lodumo; kayibagodleli okuhle abahamba ngobuqotho. |
| 12. | Nkosi yamabandla, ubusisiwe umuntu othemba kuwe. |
| ← Psalms (84/150) → |