← Psalms (3/150) → |
1. | Nkosi, zande kangakanani izitha zami! Banengi abangivukelayo. |
2. | Banengi abathi ngomphefumulo wami: Kakulasindiso lwakhe kuNkulunkulu. Selah. |
3. | Kodwa wena Nkosi, uyisihlangu sami, udumo lwami, lomphakamisi wekhanda lami. |
4. | Ngakhala ngelizwi lami e Nkosi ni, yasingiphendula isentabeni yayo engcwele. Selah. |
5. | Mina ngalala phansi, ngajunywa yibuthongo; ngavuka, ngoba i Nkosi yangisekela. |
6. | Kangiyikwesaba izinkulungwane ezilitshumi zabantu abangihanqileyo bemelana lami. |
7. | Vuka, Nkosi ! Ngisindisa, Nkulunkulu wami. Ngoba zonke izitha zami uzitshayile emhlathini, wephule amazinyo ababi. |
8. | Usindiso ngolwe Nkosi. Isibusiso sakho siphezu kwabantu bakho. Selah. |
← Psalms (3/150) → |