| ← Psalms (139/150) → |
| 1. | Nkosi, ungihlolile, uya ng azi. |
| 2. | Wena uyakwazi ukuhlala kwami lokusukuma kwami; uyaqedisisa imicabango yami ukhatshana. |
| 3. | Uyahanqa ukuhamba kwami lokulala kwami, uzejwayele indlela zami zonke. |
| 4. | Ngoba kalikho ilizwi elimini lwami, khangela Nkosi, usulazi lonke. |
| 5. | Ungizingelezile emuva langaphambili, ubeke isandla sakho phezu kwami. |
| 6. | Ulwazi lumangalisa kakhulu kimi; luphakeme, kangilakho ukufinyelela kulo. |
| 7. | Ngizakuya ngaphi ngisuke kuMoya wakho? Kumbe ngizabalekela ngaphi ngisuke ebusweni bakho? |
| 8. | Uba ngisenyukela emazulwini, lapho ukhona; uba ngisendlala icansi lami esihogweni, khangela, ukhona. |
| 9. | Uba ngithatha amaphiko okusa, ngihlale emikhawulweni yolwandle, |
| 10. | lalapho isandla sakho sizangikhokhela, lesokunene sakho singibambe. |
| 11. | Uba ngisithi: Isibili umnyama uzangifihla, ng’khona ubusuku buzakuba yikukhanya kimi inhlangothi zonke. |
| 12. | Ngitsho umnyama kawufihli kuwe, kodwa ubusuku bukhanya njengemini; njengomnyama kunjalo ukukhanya kuwe. |
| 13. | Ngoba wena ungumnini wezinso zami, wangigubuzela esiswini sikamama. |
| 14. | Ngizakudumisa, ngenxa yokuthi ngenziwe ngokwesabekayo, ngokumangalisayo. Imisebenzi yakho iyamangalisa; lomphefumulo wami uyakwazi kuhle kakhulu. |
| 15. | Amathambo ami ayengafihlekanga kuwe, lapho ngangisenziwa ekusithekeni, ngenziwa ngobuciko ezindaweni ezizikileyo zomhlaba. |
| 16. | Amehlo akho abona ibumba lami; legwalweni lwakho konke lokhu kwabhalwa, izinsuku o kwabunjwa ngazo, kunga ka bikho lakunye kwakho. |
| 17. | Iligugu kangakanani-ke kimi imicabango yakho, O Nkulunkulu; bukhulu kangakanani ubunengi bayo! |
| 18. | Uba ngingayibala, minengi kuletshebetshebe. Lapho ngivuka, ngilokhu ngilawe. |
| 19. | Isibili uzambulala omubi, Nkulunkulu! Ngakho lina bantu abomele igazi sukani kimi; |
| 20. | abakhuluma ngenkohliso ngawe, izitha zakho, ziphatha ngeze ibizo lakho. |
| 21. | Kangibazondi yini, Nkosi, abakuzondayo, nginengwe ngabakuvukelayo? |
| 22. | Ngiyabazonda ngenzondo epheleleyo; sebeyizitha kimi. |
| 23. | Ngihlola, Nkulunkulu, uyazi inhliziyo yami; ngilinga, uyazi imicabango yami, |
| 24. | ubone ukuthi ikhona indlela embi kimi yini, ungikhokhele endleleni ephakade. |
| ← Psalms (139/150) → |