| ← Psalms (104/150) → |
| 1. | Busisa i Nkosi, mphefumulo wami. Nkosi Nkulunkulu wami, umkhulu kakhulu; wembethe ubukhosi lodumo. |
| 2. | Ozembesa ngokukhanya njengesembatho, owendlala amazulu njengekhetheni. |
| 3. | Owabeka imijabo yamakamelo akhe aphezulu emanzini, owenza amayezi abe yinqola yakhe, ohamba phezu kwempiko zomoya. |
| 4. | Owenza izingilosi zakhe zibe yimimoya, izinceku zakhe zibe ngumlilo olamalangabi. |
| 5. | Wamisa umhlaba phezu kwezisekelo zawo, kawuyikuzanyazanyiswa phakade laphakade. |
| 6. | Wawugubuzela ngokujula njengesembatho; amanzi ema phezu kwezintaba. |
| 7. | Ekukhuzeni kwakho abaleka; elizwini lokuduma kwakho aphangisa asuka. |
| 8. | Enyuka izintaba, ehla izihotsha endaweni owawuyimisele wona. |
| 9. | Wamisa umngcele angewudlule, kawayikubuya agubuzele umhlaba. |
| 10. | Othumela imithombo ezihotsheni, yahamba phakathi kwezintaba. |
| 11. | Yanathisa yonke inyamazana yeganga, obabhemi beganga bacitsha ukoma kwabo. |
| 12. | Inyoni zamazulu zakhela emaceleni ayo, zizwakalisa ilizwi ziphakathi kwezingatsha. |
| 13. | Uthelela izintaba esemakamelweni akhe aphezulu; umhlaba usuthiswa ngesithelo semisebenzi yakho. |
| 14. | Umilisela izifuyo utshani, lemibhida yokusiza umuntu, ukuveza ukudla emhlabathini, |
| 15. | lewayini elithokozisa inhliziyo yomuntu, ukwenza ubuso bukhanye ngamafutha, lesinkwa esiqinisa inhliziyo yomuntu. |
| 16. | Ziyasutha izihlahla ze Nkosi, imisedari yeLebhanoni eyayihlanyelayo. |
| 17. | Lapho inyoni ezakhela khona izidleke; ingabuzane, izihlahla zefiri ziyindlu yalo. |
| 18. | Intaba eziphakemeyo zingezamagogo, amadwala ayisiphephelo sezimbila. |
| 19. | Inyanga wayenzela izikhathi ezimisiweyo; ilanga liyazi ukutshona kwalo. |
| 20. | Wenza umnyama, kube sebusuku, phakathi kwabo kuphume yonke inyamazana yehlathi. |
| 21. | Amabhongo ezilwane abhongela impango, lokudinga ukudla kwawo kuNkulunkulu. |
| 22. | Ilanga liphuma, abuthane, alale ezikhundleni zawo. |
| 23. | Umuntu uphuma aye emsebenzini wakhe lemtshikatshikeni wakhe kuze kuhlwe. |
| 24. | Minengi kangakanani imisebenzi yakho, Nkosi ! Yonke uyenze ngenhlakanipho; umhlaba ugcwele inotho yakho. |
| 25. | Lolulwandle olukhulu lolubanzi ngezinhlangothi, lapho okulezihuquzelayo khona ezingelakubalwa, izinto eziphilayo ezincinyane kanye lezinkulu. |
| 26. | Kuhamba khona imikhumbi, uLeviyathani* owambumbela ukuthi adlale kulo. |
| 27. | Zonke lezi zilindele kuwe, ukuthi u zi nike ukudla kwazo ngesikhathi sazo. |
| 28. | Uyazinika, zibuthe; uvula isandla sakho, zisuthe okuhle. |
| 29. | Ufihla ubuso bakho, zikhathazeke; ususa umoya wazo, zife, zibuyele ethulini lwazo. |
| 30. | Uthumela umoya wakho, zidalwe; wenze bube butsha ubuso bomhlaba. |
| 31. | Udumo lwe Nkosi ka lum e kuze kube nininini; i Nkosi izathokoza ngemisebenzi yayo. |
| 32. | Ikhangela umhlaba, uthuthumele; ithinta izintaba, zithunqe. |
| 33. | Ngizahlabelela i Nkosi ngisaphila; ngizahlabelela indumiso kuNkulunkulu wami nxa ngisekhona. |
| 34. | Ukuzindla kwami ngaye kuzakuba mnandi; mina ngizathokoza e Nkosi ni. |
| 35. | Izoni kaziqedwe emhlabeni, kungabe kusaba khona ababi. Busisa i Nkosi, mphefumulo wami. Dumisani i Nkosi ! |
| ← Psalms (104/150) → |