← Proverbs (24/31) → |
1. | Ungabi lamhawu ngabantu ababi, ungaloyisi ukuba labo. |
2. | Ngoba inhliziyo yabo iceba udlakela, lezindebe zabo zikhuluma uhlupho. |
3. | Ngenhlakanipho indlu iyakhiwa, langokuqedisisa iqiniswe. |
4. | Langolwazi amakamelo agcwaliswa ngempahla zonke eziligugu lezimnandi. |
5. | Umuntu ohlakaniphileyo ulamandla, lomuntu ololwazi uqinisa amandla. |
6. | Ngoba ngezeluleko ezihlakaniphileyo ungalawula impi yakho, lokukhululwa kusebunengini babeluleki. |
7. | Inhlakanipho enkulu iphakeme esiwuleni; esangweni kasivuli umlomo waso. |
8. | Oceba ukwenza okubi, bazambiza ngokuthi ngumnikazi wamacebo amabi. |
9. | Umcabango wobuwula yisono, lesideleli siyisinengiso emuntwini. |
10. | Uba uzitshengisa uxega ngosuku lokuhlupheka, amandla akho mancinyane. |
11. | Bophule abasiwa ekufeni, ngoba batatalikela ekubulaweni nxa ugodla. |
12. | Uba usithi: Khangela besingakwazi; ohlola izinhliziyo yena kayiku ku nanzelela yini? Olondoloza umphefumulo wakho yena uza kw azi; njalo uzabuyisela emuntwini njengokomsebenzi wakhe. |
13. | Dlana uluju, ndodana yami, ngoba lulungile, lohlanga loluju lumnandi elwangeni lwakho. |
14. | Lunjalo ulwazi lwenhlakanipho emphefumulweni wakho; uba uluthola, kuzakuba lomvuzo, lethemba lakho kaliyikuqunywa. |
15. | Wena okhohlakeleyo, ungacathameli umuzi wolungileyo; ungachithi indawo yakhe yokuphumula. |
16. | Ngoba olungileyo uzakuwa kasikhombisa, avuke; kodwa abakhohlakeleyo bazakhubeka ebubini. |
17. | Ungathokozi ngokuwa kwesitha sakho, lekukhubekeni kwaso inhliziyo yakho kayingajabuli; |
18. | hlezi i Nkosi ikubone, kube kubi emehlweni ayo, iphendule ulaka lwayo ilususe kuso. |
19. | Ungazikhathazi ngenxa yabenzi bobubi, ungabi lamhawu ngabakhohlakeleyo; |
20. | ngoba omubi kayikuba lomvuzo; isibane sabakhohlakeleyo sizacitshwa. |
21. | Ndodana yami, yesaba uJehova lenkosi; ungahlanganyeli labaguqukayo; |
22. | ngoba incithakalo yabo izavuka masinyane; njalo ngubani owazi ukuchitheka kwabo bobabili? |
23. | Lala ngawabahlakaniphileyo. Ukunaka ubuso kusahlulelo kakulunganga. |
24. | Othi kokhohlakeleyo: Wena ulungile; abantu bazamqalekisa, izizwe zizamthukuthelela. |
25. | Kodwa kulabo aba m khuzayo kuzakuba lentokozo, lesibusiso esihle sizabehlela. |
26. | Uzakwanga indebe zalowo ophendula ngamazwi aqondileyo. |
27. | Lungisa umsebenzi wakho ngaphandle, uzilungiselele wona ensimini, emva kwalokho wakhe indlu yakho. |
28. | Ungabi ngumfakazi umelene lomakhelwane wakho kungelasizatho, kumbe ukhohlise ngendebe zakho. |
29. | Ungathi: Njengokwenza kwakhe kimi ngizakwenza njalo kuye; ngizaphindisela emuntwini njengokomsebenzi wakhe. |
30. | Ngedlula ensimini yevila, lesivinini somuntu oswele ingqondo; |
31. | khangela-ke, konke kwakumile ameva, imbabazane yayisibekele ubuso bakho, lomthangala wakho wamatshe udilikile. |
32. | Mina-ke nga ku khangela, nga ku beka enhliziyweni yami; nga ku bona, ngemukela imfundiso. |
33. | Ubuthongo obuncinyane, ukuwozela okuncinyane, ukusonga izandla okuncinyane ukuthi kulalwe, |
34. | besebusiza ubuyanga bakho njeng esihambi, lenswelo zakho njengomuntu olesihlangu. |
← Proverbs (24/31) → |