| ← Micah (6/7) → |
| 1. | Ake lizwe okutshiwo yi Nkosi: Sukumani, lwisana lezintaba, lamaqaqa alizwe ilizwi lenu. |
| 2. | Zwanini ukuphikisa kwe Nkosi, lina zintaba, lani zisekelo zomhlaba ezilamandla; ngoba i Nkosi iphikisana labantu bayo, izamelana loIsrayeli. |
| 3. | Lina bantu bami, ngenzeni kini? Kuyini engilikhathaze ngakho? Ngiphendulani. |
| 4. | Ngoba ngalikhupha elizweni leGibhithe, ngalihlenga endaweni yobugqili; ngathuma oMozisi loAroni loMiriyamu ukuze balikhokhele. |
| 5. | Bantu bami, ake likhumbule ugobe lukaBalaki inkosi yakoMowabi, lokuthi uBalami indodana kaBeyori wamphendula njani, likhumbule lalokho okwenzekayo kusukela eShitimi kwaze kwaba seGiligali, ukuze lazi izenzo ezilungileyo ze Nkosi. |
| 6. | Ngizakuza ngiphetheni e Nkosi ni, ngikhothame phambi kukaNkulunkulu ophezulu yini? Ngizakuza kuyo ngiphethe umnikelo wokutshiswa, ngilamathole alomnyaka owodwa yini? |
| 7. | I Nkosi izakweneliswa zinqama eziyinkulungwane, lezinkulungwane ezilitshumi zemifula yamafutha yini? Ngizanikela izibulo lami ngenxa yesiphambeko sami, isithelo sesizalo sami ngenxa yesono senhliziyo yami yini? |
| 8. | Ikutshengisile, muntu, okuhle; le Nkosi ifunani kuwe, kodwa ukwenza ukulunga, lokuthanda umusa, lokuhamba ngokuzithoba loNkulunkulu wakho? |
| 9. | Ilizwi le Nkosi liyamemeza kuwo umuzi kuyikuhlakanipha okuqotho ukwesaba ibizo lakho. Zwanini, lina bantu lomphakathi womuzi. |
| 10. | Ngingayikhohlwa inotho ezuzwa ngokubi esendlini yababi, lezilinganiso ezikhohlisayo yini? |
| 11. | Ngingamyekela umuntu olezikali ezimbi lesaka eligcwele izilinganiso ezikhohlisayo yini? |
| 12. | Abanothileyo benu bagcwele okubi, labakhileyo bakhuluma amanga, lolimi lwabo luyakhohlisa. |
| 13. | Ngakho-ke sengizalitshaya, ngilichithe ngenxa yezono zenu. |
| 14. | Lizakudla, kodwa lingasuthi, kube khona ukulamba ngaphakathi kwenu; lizalondoloza, kodwa kungalondolozeki; lalokhu elikulondolozayo ngizakunikela enkembeni. |
| 15. | Lizahlanyela, kodwa lingavuni; likhame izithelo zemihlwathi, kodwa lingagcobi ngamafutha awo; lizakhama izithelo zevini, kodwa linganathi iwayini lazo elitsha. |
| 16. | Ngoba ligcinile izimiso zikaOmri, lenzile yonke imisebenzi yendlu kaAhabi, lahamba ngamacebo abo, ngakho ngizalichitha, labakhileyo benu babe yinhlekisa; lizakweyiswa ngabantu. |
| ← Micah (6/7) → |