← Micah (5/7) → |
1. | Hlomisa amabutho akho, wena Jerusalema! izitha zikuvimbezele; zizatshaya umbusi wakho, wena Israyeli, esihlathini ngenduku. |
2. | Kodwa wena, Bhethelehema Efratha, omncinyane ukuthi ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo. |
3. | Ngakho-ke uzabanikela, aze abelethe ohelelwayo, besekubuya koIsrayeli abaseleyo kubafowabo. |
4. | Uzakuma eluse umhlambi wakhe ngamandla e Nkosi, ngobukhosi bebizo le Nkosi uNkulunkulu wakhe. Bazavikeleka, ngoba khathesi esemkhulu kuze kube semingceleni yomhlaba; |
5. | uzaletha ukuthula. Lapho umAsiriya engena elizweni lakithi, enyathela emhlabathini wethu, sizahlomisa abelusi abayisikhombisa leziphathamandla zabantu eziyisificaminwembili; |
6. | bazabusa ilizwe iAsiriya ngenkemba, lelizwe likaNimrodi, basophule kumaAsiriya lapho engena elizweni lakithi lalapho enyathela phakathi kwalo. |
7. | Abaseleyo bakoJakobe bephakathi kwabantu abanengi bazakuba njengamazolo avela e Nkosi ni lanjengomkhizo phezu kotshani, okungalindeli muntu, okungahlaleli muntu. |
8. | Abaseleyo bakaJakobe phakathi kwezizwe, bephakathi kwabantu abanengi bazakuba njengesilwane esiphakathi kwenyamazana zeganga, njengebhongo lesilwane eliphakathi komhlambi wezimvu, esithi lapho sidabula phakathi kwawo sibambe, sinyathele sidabule iziqa, kungabi khona osizayo. |
9. | Isandla sakho, Israyeli, sizaphakanyiswa phezu kwezitha zakho, zichithwe zonke izitha zakho. |
10. | Kuzakuthi ngalezonsuku, itsho i Nkosi, ngiqede amabhiza akho phakathi kwakho, ngichithe inqola zakho, |
11. | ngichithe lemizi yelizwe lakini, ngidilizele phansi inqaba zakini. |
12. | Ngizaqeda abathakathi phakathi kwenu, kungabe kusaba khona labachasisa ngemibono, |
13. | ngibulale izithombe zenu ezibaziweyo, ngidilize imizi yenu; kalisayikuphinda likhothamele umsebenzi wezandla zenu. |
14. | Ngizasiphuna elizweni izixuku zenu, ngichithe lemizi yenu, |
15. | ngiphindisele ngokuthukuthela langolaka ezizweni ezingalalelanga. |
← Micah (5/7) → |