← Micah (3/7) → |
1. | Ngathi: Zwanini, lina nhloko zakoJakobe, lani ziphathamandla zakoIsrayeli. Kakusikho okwenu yini ukwazi ukulunga? |
2. | lina elizonda okuhle, lithande okubi, elebula isikhumba sabantu bami, lihlubule inyama emathanjeni abo, |
3. | elibadla inyama abantu bami, lihlinze isikhumba sabo, lephule amathambo abo, libaqobe njengenyama esembizeni lanjengenyama esebhodweni. |
4. | Lizakhuleka e Nkosi ni, kodwa kayiyikuliphendula; izalifihlela ubuso bayo ngalesosikhathi, ngoba lenzile okubi. |
5. | I Nkosi ithi ngabaprofethi abaduhisa abantu bami, ababathembisa ukuthula lapho besazuza ukudla, kodwa lowo ongabaniki ukudla balwe laye: |
6. | Ngakho lizafikelwa yibusuku obungelambono, kube mnyama, lingabe lisavumisa; ilanga lizabatshonela abaprofethi, losuku lube mnyama tshu. |
7. | Ababoni bazayangeka, labavumisi babe lenhloni, bambomboze imilomo yabo, ngoba kungaveli impendulo kuNkulunkulu. |
8. | Kodwa mina nginikwe amandla, lokulunga lesibindi, ukuze ngimtshele uJakobe iziphambeko zakhe loIsrayeli isono sakhe. |
9. | Zwanini lokhu, lina nhloko zendlu kaJakobe, lani ziphathamandla zendlu kaIsrayeli, elinenga ukulunga, lihlanekele bonke ubuqotho, |
10. | elakha iZiyoni ngegazi, leJerusalema ngobubi. |
11. | Inhloko zayo zahlulelela izipho, labapristi bayo bafundisela inkokhelo, labaprofethi bayo bavumisela imali; kanti beyama e Nkosi ni besithi: I Nkosi kayikho phakathi kwethu yini? Okubi kakuyikusehlela. |
12. | Ngakho ngenxa yenu iZiyoni izalinywa njengensimu, leJerusalema ibe lunxiwa oludilikileyo, lentaba yethempeli iphenduke ibe lihlathi. |
← Micah (3/7) → |