Malachi (1/4) → |
1. | Umthwalo welizwi le Nkosi kuIsrayeli ngesandla sikaMalaki. |
2. | Ngilithandile, kutsho i Nkosi. Kodwa lithi: Usithande ngani? UEsawu kasuye yini umfowabo kaJakobe? kutsho i Nkosi. Kanti ngamthanda uJakobe, |
3. | loEsawu ngamzonda; ngenza izintaba zakhe incithakalo, lelifa lakhe laba ngelamakhanka enkangala. |
4. | Lanxa uEdoma esithi: Senziwe abayanga, kodwa sizabuyela si ye kwakha amanxiwa; itsho njalo i Nkosi yamabandla: Bona bangakha, kodwa mina ngizadiliza, njalo bazababiza ngokuthi: Ngumngcele wobubi, labantu i Nkosi ebathukutheleleyo kuze kube phakade. |
5. | Lamehlo enu azabona, lani lithi: I Nkosi izakhuliswa ngale komngcele wakoIsrayeli. |
6. | Indodana iyamhlonipha uyise, lenceku inkosi yayo. Uba-ke nginguyihlo, kungaphi ukuhlonitshwa kwami? Uba-ke ngiyiNkosi, kungaphi ukwesatshwa kwami? itsho i Nkosi yamabandla kini, bapristi elidelela ibizo lami; kodwa lithi: Silidelele ngani ibizo lakho? |
7. | Lisondeza isinkwa esingcolileyo phezu kwelathi lami, lisithi: Sikungcolise ngani? Ngokuthi kwenu: Itafula le Nkosi liyadeleleka. |
8. | Njalo nxa lisondeza okuyisiphofu kube ngumhlatshelo, kakukubi yini? Lalapho lisondeza okuqhulayo lokugulayo, kakukubi yini? Ake ukusondeze kumbusi wakho; angaba lomusa kuwe yini? kumbe angabemukela yini ubuso bakho? itsho i Nkosi yamabandla. |
9. | Khathesi-ke ake lincenge ubuso bukaNkulunkulu ukuze abe lomusa kithi; lokhu kube ngesandla senu; uzakwemukela ubuso benu yini? kutsho i Nkosi yamabandla. |
10. | Ngubani okhona ngitsho phakathi kwenu ongavala izivalo? Yebo, lingabaseli ize umlilo phezu kwelathi lami. Kangithokozi ngani, kutsho i Nkosi yamabandla, njalo kangiyikwemukela umnikelo esandleni senu ngentokozo. |
11. | Ngoba kusukela ekuphumeni kwelanga kuze kube sekutshoneni kwalo, ibizo lami li za kuba likhulu phakathi kwezizwe; lakuyo yonke indawo impepha izatshiselwa ibizo lami, lomnikelo ohlambulukileyo; ngoba ibizo lami li za kuba likhulu phakathi kwezizwe, itsho i Nkosi yamabandla. |
12. | Kodwa liyalingcolisa ngokuthi kwenu: Itafula leNkosi lingcolisiwe, lesithelo salo, ukudla kwalo, kudelelekile. |
13. | Njalo lithi: Khangela, kudinisa kangakanani! Njalo likuchilela amakhala, itsho i Nkosi yamabandla: njalo lilethe impango, lokuqhulayo, lokugulayo; ngokunjalo lilethe umnikelo. Ngikwemukele lokhu yini ngokuthokoza esandleni senu? itsho i Nkosi. |
14. | Kaqalekiswe-ke umkhohlisi oleduna emhlanjini wakhe, ofunga ahlabele iNkosi okonakeleyo; ngoba ngiyiNkosi enkulu, itsho i Nkosi yamabandla, lebizo lami liyesabeka phakathi kwezizwe. |
Malachi (1/4) → |