← Lamentations (5/5) |
1. | Khumbula, Nkosi, okusehleleyo, khangela ubone ihlazo lethu. |
2. | Ilizwe lethu selinikwe abezizwe, lemizi yethu yanikwa abemzini. |
3. | Sesiyizintandane, kasilabo obaba, labomama sebenjengabafelokazi. |
4. | Sihlawulela amanzi esiwanathayo, lenkuni siyazithenga. |
5. | Sifakwe ijogwe entanyeni sisetshenziswa kakhulu, sidiniwe, kasivunyelwa ukuphumula. |
6. | Sicela iGibhithe, sicele iAsiriya, ukuzuza ukudla. |
7. | Obaba bafa, kabasekho, thina sithwele izono zabo. |
8. | Izigqili ziyasibusa, kakho ongasikhulula kuzo. |
9. | Sizuza ukudla kwethu ngokudela ukusila kwethu, ngenxa yengozi zasenkangala. |
10. | Isigogo sethu sitshisa njengomlilo, ngokutshisa kwendlala. |
11. | Badlova abesifazana eZiyoni, lezintombi ezigcweleyo emizini yakoJuda. |
12. | Iziphathamandla ziphanyekwa ngezandla zazo, labadala kabahlonitshwa. |
13. | Amajaha asetshenziswa ngamandla ukuchola, labafana basindwa yiminyaba yenkuni. |
14. | Abadala sebatshiya inkundla, lamajaha ayekela ukuhlabela. |
15. | Intokozo yenhliziyo zethu iphelile, lokugida kwethu kuphenduke ukukhala. |
16. | Umqhele uwile emakhanda ethu. Maye thina, ngoba sonile! |
17. | Ngenxa yalokhu inhliziyo zethu zidabukile, langalezizinto amehlo ethu afiphele, |
18. | ngoba intaba yeZiyoni isisele ize, ihanjwa ngamakhanka. |
19. | Kodwa wena, Nkosi, ubusa kuze kube nininini, lesihlalo sakho sobukhosi simi njalo ezizukulwaneni zonke. |
20. | Usikhohlweleni kokuphela? Usitshiyeleni isikhathi eside kangaka? |
21. | Sibuyise kuwe, Nkosi, sizabuya. Yenza insuku zethu zibe zintsha njengendulo. |
22. | Ngoba uba usilahlile kokuphela, kukhulu kakhulu ukusithukuthela kwakho. |
← Lamentations (5/5) |