| ← Judges (5/21) → |
| 1. | UDebora loBaraki indodana kaAbinowama basebehlabela ngalolosuku besithi: |
| 2. | Nxa abakhokheli bekhokhela koIsrayeli, nxa abantu bezinikela ngokuzithandela, busisani i Nkosi ! |
| 3. | Zwanini makhosi, libeke indlebe ziphathamandla, mina, mina ngizahlabela e Nkosi ni, ngihubele i Nkosi, uNkulunkulu kaIsrayeli. |
| 4. | Nkosi, ekuphumeni kwakho eSeyiri, ekunyatheleni kwakho usuka ensimini yeEdoma, umhlaba wazamazama, lamazulu athonta, lamayezi athontisa amanzi. |
| 5. | Izintaba zageleza phambi kwe Nkosi, iSinayi le phambi kwe Nkosi, uNkulunkulu kaIsrayeli. |
| 6. | Ensukwini zikaShamigari indodana kaAnathi, ensukwini zikaJayeli, izindlela zaphela, lababehamba ezindledlaneni bahamba ngezindlela ezimazombazombe. |
| 7. | Izakhamizi zemakhaya zaphela koIsrayeli, zaphela, ngaze ngasukuma mina Debora, ngasukuma, unina koIsrayeli. |
| 8. | Wakhetha onkulunkulu abatsha, khona kwaba lempi emasangweni. Sabonwa yini isihlangu lomkhonto phakathi kwabazinkulungwane ezingamatshumi amane koIsrayeli? |
| 9. | Inhliziyo yami ikubanikimithetho bakoIsrayeli, abazinikela ngokuzithandela phakathi kwabantu. Busisani i Nkosi ! |
| 10. | Bagadi babobabhemi abamhlophe, bahlali besigcabha, labahambi endleleni, khulumani. |
| 11. | Elizwini labatshoki, phakathi kwezindawo zokukha amanzi, lapho bayalandisa ngemisebenzi elungileyo ye Nkosi, imisebenzi elungileyo yezakhamizi zemakhaya zakoIsrayeli. Ngalesosikhathi abantu be Nkosi behlela emasangweni. |
| 12. | Vuka, vuka, Debora! Vuka, vuka, khuluma ingoma! Sukuma Baraki, uthumbe abathunjiweyo bakho, ndodana kaAbinowama. |
| 13. | Khona yayenza insali yabusa phezu kwezinduna ebantwini; i Nkosi yangenza ngabusa phakathi kwabalamandla. |
| 14. | Kuvela koEfrayimi impande yabo yayimelene loAmaleki; emva kwakho, Bhenjamini, phakathi kwabantu bakho; kuvela kuMakiri kwehla abanikumthetho, lakoZebuluni abadonsa ngentonga yombhali. |
| 15. | Leziphathamandla zakoIsakari zaziloDebora; la njengo Isakari, waba njalo uBaraki; wathunjwa esigodini ngenyawo zakhe. Ezifundeni zakoRubeni izinqumo zenhliziyo zazizinkulu. |
| 16. | Wahlalelani phakathi kwezibaya ukuzwa umhlanga wokukhaliselwa izimvu? Izifunda zakoRubeni zaba lokuhlolwa okukhulu kwenhliziyo. |
| 17. | UGileyadi wahlala ngaphetsheya kweJordani. LoDani walibalelani emikhunjini? UAsheri wahlala ekhunjini lolwandle, wahlala ethekwini. |
| 18. | UZebuluni uyisizwe esadela umphefumulo waso kwaze kwaba sekufeni, loNafithali, emiqolweni yensimu. |
| 19. | Amakhosi afika alwa; khona amakhosi eKhanani alwa eThahanakhi ngasemanzini eMegido; kawathathanga impango yesiliva. |
| 20. | Zisemazulwini zalwa, inkanyezi zisendleleni zazo zalwa loSisera. |
| 21. | Isifula iKishoni sabakhukhula, isifula sendulo, isifula iKishoni. Mphefumulo wami, nyathela ngamandla! |
| 22. | Khona atshaya phansi amasondo amabhiza, ngokumatha, ukumatha kwabalamandla bakhe. |
| 23. | Qalekisani iMerozi, kutsho ingilosi ye Nkosi, qalekisani ngokuqalekisa abakhileyo kuyo, ngoba kabezanga kuncedo lwe Nkosi, kuncedo lwe Nkosi, lamaqhawe. |
| 24. | Uzabusiswa phezu kwabesifazana uJayeli umkaHeberi umKeni; ubusisiwe phezu kwabesifazana ethenteni. |
| 25. | Wacela amanzi, wa m nika uchago, waletha amasi ngomganu wobukhosi. |
| 26. | Welulela isandla sakhe esikhonkwaneni, lesandla sakhe sokunene esandweni sezisebenzi, wamtshaya uSisera, wachoboza ikhanda lakhe, wahlaba wabhoboza inhlafuno yakhe. |
| 27. | Phakathi kwenyawo zakhe wakhothama wawa walala; phakathi kwenyawo zakhe wakhothama wawa, lapho akhothamela khona, wawa lapho efile echithekile. |
| 28. | Unina kaSisera walunguza ngewindi, wanqolonga ngeminxibo yewindi wathi: Kungani inqola yakhe iphuza ukuza? Kungani ephuzile amavili ezinqola zakhe? |
| 29. | Izihlakaniphi zamakhosazana akhe zaphendula, yebo yena wazibuyisela impendulo yakhe wathi: |
| 30. | Kabatholanga yini bayaba impango, intombazana, amantombazana amabili kuleyo laleyondoda, impango yamalembu aconjiweyo ngekaSisera, impango yamalembu aconjiweyo afekethisiweyo ngenalithi, amalembu amabili aconjiweyo afekethisiweyo ngenalithi, awentamo zempango? |
| 31. | Ngokunjalo kazibhubhe zonke izitha zakho, Nkosi. Kodwa abayithandayo kababe njengokuphuma kwelanga ngamandla alo. Lelizwe lathula iminyaka engamatshumi amane. |
| ← Judges (5/21) → |