← Jonah (3/4) → |
1. | Ilizwi le Nkosi lafika kuJona ngokwesibili lisithi: |
2. | Suka uye eNineve kulowana umuzi omkhulu, umemezele kulo ilizwi engikutshela lona. |
3. | Ngakho uJona wasuka waya eNineve njengokutsho kwelizwi le Nkosi. INineve yayingumuzi omkhulu kakhulu ohanjwa insuku ezintathu. |
4. | UJona waqala ukungena emzini, wawuhamba usuku lwaba lunye. Wamemeza wathi: Kusele insuku ezingamatshumi amane ukuthi iNineve lichitheke. |
5. | Abantu baseNineve bakholwa kuNkulunkulu, bamemezela ukuthi kuzilwe ukudla, bagqoka amalembu amasaka, kusukela komkhulu wabo kwaze kwafika komncinyane. |
6. | Ilizwi lafinyelela enkosini yeNineve; yasuka esihlalweni sayo sobukhosi, yakhulula isembatho sayo, yagqoka ilembu lesaka, yahlala emlotheni. |
7. | Yamemezela eNineve yathi: Ngomthetho wenkosi leziphathamandla zayo kakungadli kunathe umuntu lenyamazana lenkomo lemvu; |
8. | bonke kabembathe amalembu amasaka, bakhale kakhulu kuNkulunkulu, baphenduke bonke endleleni zabo ezimbi lebubini bonke ababenzayo. |
9. | Kwazi bani ukuthi uNkulunkulu angezisole, ludede ulaka lwakhe olukhulu ukuze singabhubhi. |
10. | Lapho uNkulunkulu ebona izenzo zabo ukuthi baphendukile ebubini babo, wazisola ngobubi ayezabenza kibo, kasabenzanga. |
← Jonah (3/4) → |