| Jonah (1/4) → |
| 1. | Ilizwi le Nkosi lafika kuJona indodana kaAmithayi, |
| 2. | lathi: Suka uye eNineve kulowana umuzi omkhulu, umemezele kuwo ukuthi ububi babantu bawo bufinyelele kimi. |
| 3. | Kodwa uJona wasuka waya eTarshishi ukuze abalekele i Nkosi. Wehlela eJafo, wathola khona umkhumbi oya eTarshishi; wakhupha imali yokukhwela, wakhwela kuwo ukuze ahambe labaya eTarshishi, abaleke e Nkosi ni. |
| 4. | I Nkosi yathumela umoya omkhulu olwandle, kwaba khona isiphepho esikhulu, lomkolo wafuna ukudabuka phakathi. |
| 5. | Abawuqhubayo besaba, lowo lalowo wakhala kuNkulunkulu wakhe; baphosela olwandle impahla eyayisemkhunjini ukuze ube lula. Kodwa uJona wayehlele phakathi komkolo, walala khona. |
| 6. | Induna yomkolo, yamfica khona yathi kuye: Ulani wena olele ubuthongo? Vuka, ukhuleke kuNkulunkulu wakho; mhlawumbe luNkulunkulu uzasikhumbula ukuze singabhubhi. |
| 7. | Basebekhulumisana besithi: Wozani senze inkatho yokuphosa, ukuze sibone ukuthi ngubani osibangele lobububi. Basebesenza inkatho yokuphosa, inkatho yabo yawela phezu kukaJona. |
| 8. | Basebesithi kuye: Akusitshele ukuthi ngubani osibangele lobububi. Wenzani lapha? Uvela ngaphi? Ungowangaphi? Ungowesiphi isizwe? |
| 9. | Yena wathi kibo: NgingumHebheru, ngikhonza i Nkosi uNkulunkulu wamazulu owenza ulwandle lomhlabathi owomileyo. |
| 10. | Basebesethuka kakhulu labobantu, bathi: Wenzeni? Ngoba basebesazi ukuthi ubalekile e Nkosi ni lokhu wayesebatshelile. |
| 11. | Basebesithi kuye: Sizakwenzani kuwe ukuze ulwandle luthule? Ngoba ulwandle lwalulokhu luvubeka. |
| 12. | Wathi kibo: Ngithathani, lingiphosele olwandle; khona-ke ulwandle luzathula; ngoba ngiyazi ukuthi lesisiphepho esikhulu silifikele ngenxa yami. |
| 13. | Kodwa-ke amadoda agwedla ngamandla ukuze abuyisele umkhumbi emhlabathini, ehluleka, ngoba ulwandle lwalulokhu luvubeka. |
| 14. | Ngakho-ke basebekhuleka e Nkosi ni besithi: Siyakuncenga, Nkosi, asingabhubhi ngenxa yalumuntu, ungasibekeli umlandu wegazi lomuntu ongelacala; ngoba wena, Nkosi, wenzile njengokuthanda kwakho. |
| 15. | Basebemthatha uJona, bamphosela olwandle; ulwandle lwaseluthula ukuvubeka. |
| 16. | Amadoda ayesaba kakhulu i Nkosi, ayihlabela umhlatshelo, enza izithembiso. |
| 17. | I Nkosi yaletha inhlanzi enkulu ukuze imginye uJona; uJona waba sesiswini senhlanzi insuku ezintathu lobusuku obuthathu. |
| Jonah (1/4) → |