← Jeremiah (42/52) → |
1. | Zasezisondela zonke induna zebutho, loJohanani indodana kaKareya, loAzariya indodana kaHoshaya, labo bonke abantu abancinyane labakhulu, |
2. | bathi kuJeremiya umprofethi: Ake uzwe ukunxusa kwethu, usikhulekele e Nkosi ni uNkulunkulu wakho, ukhulekele bonke laba abaseleyo, ngoba sisele sibalutshwana nje kwabanengi, njengalokho lawe ubona, |
3. | ukuze i Nkosi, uNkulunkulu wakho, isitshengise indlela esifanele ukuhamba ngayo, lalokho esifanele ukukwenza. |
4. | UJeremiya umprofethi wathi kibo: Sengilizwile; khangela, ngizakhuleka e Nkosi ni uNkulunkulu wenu njengokucela kwenu, lalokho i Nkosi ekutshoyo ngizalitshela khona, kangiyikuthula. |
5. | Basebesithi kuJeremiya: I Nkosi kayibe ngumfakazi oqinisileyo lothembekileyo ngathi, uba singenzi njengelizwi le Nkosi, uNkulunkulu wakho, elithumela kithi ngawe. |
6. | Loba kukuhle loba kukubi, sizalalela ilizwi le Nkosi, uNkulunkulu wethu, esikuthuma kuyo, ukuze kusilungele lapho sililalela ilizwi le Nkosi, uNkulunkulu wethu. |
7. | Kwathi emva kwensuku ezilitshumi, ilizwi le Nkosi lafika kuJeremiya. |
8. | Wasebiza uJohanani indodana kaKareya, lazo zonke induna zebutho ezazilaye, labantu bonke abancinyane labakhulu; |
9. | wathi kibo: I Nkosi, uNkulunkulu kaIsrayeli, elingithume kiyo ukuthi ngilinxusele, ithi: |
10. | Uba lihlala kulelilizwe, ngizalakha ngingalidilizi, ngiligxumeke, ngingalisiphuni; ngoba ngiyazisola ngokubi engikwenzileyo kini. |
11. | Lingayesabi inkosi yeBhabhiloni eliyesabayo, kutsho i Nkosi; ngoba mina ngilani ukuze ngilisize ngilophule esandleni sayo. |
12. | Ngizaliphatha ngomusa, ukuze ibe lomusa kini, iliyekele ukuthi lihlale elizweni lakini. |
13. | Kodwa uba lisithi: Kasiyikuhlala kulelilizwe; lingalilaleli ilizwi le Nkosi uNkulunkulu wenu, |
14. | lithi: Hatshi bo! sizakuya elizweni leGibhithe lapho esingayikubona impi khona, singayikuzwa ukukhala kophondo, singayikulamba, sihlale khona; |
15. | zwanini-ke ilizwi le Nkosi, lina eliseleyo koJuda. I Nkosi yamabandla, uNkulunkulu kaIsrayeli, ithi: Uba lifisa ukuya eGibhithe ukuze lihlale khona, |
16. | inkemba eliyesabayo izalifica khona elizweni leGibhithe, lendlala eliyesabayo izalinamathela eGibhithe, lifele khona. |
17. | Bonke abantu abafisa ukuya eGibhithe ukuze bahlale khona bazabulawa ngenkemba langendlala langomatshayabhuqe wesifo, kungasali muntu aphunyuke kokubi engizabehlisela khona. |
18. | I Nkosi yamabandla, uNkulunkulu kaIsrayeli, ithi: Njengoba ukuthukuthela kwami lolaka lwami kwehlela kwabakhileyo eJerusalema, ngokunjalo ulaka lwami luzakwehlela kini nxa lisiya eGibhithe. Lizakuba yinto eyenyanyekayo leyesabekayo, into yokuthukwa lokuhlekwa, lingaphindi liyibone lindawo futhi. |
19. | I Nkosi ithe kini, lina abaseleyo koJuda: Lingayi eGibhithe. Yazini isibili ukuthi ngilixwayisile lamuhla. |
20. | Lizifake engozini ngokungithuma e Nkosi ni, uNkulunkulu wenu, lisithi: Sikhulekele e Nkosi ni uNkulunkulu wethu; lokho i Nkosi uNkulunkulu wethu ekutshoyo, sizakwenza. |
21. | Sengilitshelile lamuhla, kodwa kalililalelanga ilizwi le Nkosi uNkulunkulu wenu kukho konke engitshele khona ukuthi ngilitshele. |
22. | Yazini isibili ukuthi lizabulawa ngenkemba langendlala langomatshayabhuqe wesifo endaweni elifisa ukuyahlala kiyo. |
← Jeremiah (42/52) → |