← Jeremiah (37/52) → |
1. | UZedekhiya indodana kaJosiya waba yinkosi esikhundleni sikaKoniya indodana kaJehoyakhimi, wabekwa nguNebukadinezari inkosi yeBhabhiloni ukuze abuse elizweni lakoJuda. |
2. | Kodwa yena lenceku zakhe labantu belizwe kabawalalelanga amazwi e Nkosi eyayiwakhulume ngoJeremiya umprofethi. |
3. | Inkosi uZedekhiya yathuma uJehukali indodana kaShelemiya loZefaniya umpristi indodana kaMahaseya kuJeremiya umprofethi, yathi: Ake usikhulekele e Nkosi ni uNkulunkulu wethu. |
4. | UJeremiya wayesahamba phakathi kwabantu engakafakwa entolongweni. |
5. | Ibutho likaFaro laliphumile eGibhithe; kwathi lapho amaKhaladiya ayevimbezela iJerusalema ekuzwa lokho, asuka eJerusalema. |
6. | Ilizwi le Nkosi lafika kuJeremiya umprofethi lathi: |
7. | I Nkosi, uNkulunkulu kaIsrayeli, ithi: Lizakuthi enkosini yakoJuda elithume ukubuza kimi: Khangela, ibutho likaFaro elize ukulisiza selizabuyela eGibhithe, elizweni lalo. |
8. | AmaKhaladiya azabuya, alwe emelene lumuzi, awuthumbe, awutshise ngomlilo. |
9. | I Nkosi ithi: Lingazikhohlisi ngokuthi: AmaKhaladiya kawasayikubuya kithi. Ngoba azabuya isibili. |
10. | Loba lilitshaya ibutho lonke lamaKhaladiya alwa emelene lani, kusale nje abantu abalimeleyo, bazasukuma bonke baphume emathenteni abo, bawutshise lumuzi ngomlilo. |
11. | Kwathi lapho ibutho lamaKhaladiya selisukile eJerusalema selizwile ukuthi ibutho likaFaro liyeza, |
12. | uJeremiya wasephuma eJerusalema ukuya elizweni lakoBhenjamini ukuthi emukele isabelo sakhe selifa khona phakathi kwabantu. |
13. | Kwathi lapho eseSangweni lakoBhenjamini, induna yabalindi ethiwa nguIrija indodana kaShelemiya, kaHananiya, wambamba uJeremiya umprofethi, wathi: Uyabalekela kumaKhaladiya. |
14. | UJeremiya wathi: Kungamanga; kangibalekeli kumaKhaladiya. Kodwa uJerija kazamlalela; wambamba uJeremiya, wamletha ezikhulwini. |
15. | Iziphathamandla zathukuthela ngoJeremiya, zamtshaya, zamfaka entolongweni, endlini kaJonathani umbhali, ngoba zaziyenze yaba yintolongo. |
16. | UJeremiya wafakwa endlini engumgodi, wahlala khona insuku ezinengi. |
17. | Inkosi uZedekhiya yambiza, yamemukela. Yambuza ensitha endlini yayo yathi: Kambe likhona ilizwi elivela e Nkosi ni? UJeremiya wathi: Likhona. Uzanikelwa esandleni senkosi yeBhabhiloni. |
18. | UJeremiya wathi futhi kuZedekhiya inkosi: Ngoneni kuwe lezincekwini zakho lakulababantu ukuthi lingifake entolongweni? |
19. | Bangaphi abaprofethi benu abaprofetha kini besithi: Inkosi yeBhabhiloni kayiyikufika ukulihlasela lina lalelilizwe? |
20. | Zwana-ke, ngiyakuncenga wena nkosi, ake ulalele isikhalazo sami, ungangibuyiseli endlini kaJonathani umbhali, hlezi ngifele khona. |
21. | Ngakho inkosi uZedekhiya waselaya ukuthi bamfake uJeremiya egumeni labalindi, lokuthi anikwe isinkwa sibe sinye insuku zonke esivela kubapheki bezinkwa, kwaze kwaphela zonke izinkwa emzini. Ngakho uJeremiya wahlala egumeni labalindi. |
← Jeremiah (37/52) → |