| ← Isaiah (44/66) → |
| 1. | Kodwa khathesi zwana, Jakobe nceku yami, lawe Israyeli engikukhethileyo. |
| 2. | Itsho njalo I Nkosi eyakwenzayo, yakubumba kusukela esiswini, ezakusiza: Ungesabi, Jakobe, nceku yami, lawe Jeshuruni engikukhethileyo. |
| 3. | Ngoba ngizathela amanzi phezu kwakhe owomileyo, lezikhukhula emhlabathini owomileyo; ngizathela uMoya wami phezu kwenzalo yakho, lesibusiso sami phezu kwabantwana bakho. |
| 4. | Bazahluma phakathi kotshani, njengeminyezane ngasezifuleni zamanzi. |
| 5. | Omunye uzakuthi: Mina ngingowe Nkosi; lomunye azibize ngebizo likaJakobe, lomunye abhale e sandl eni sakhe ukuthi: Nging owe Nkosi; a zi bonge ngebizo likaIsrayeli. |
| 6. | Utsho njalo uJehova, inkosi yakoIsrayeli, loMhlengi wakhe, i Nkosi yamabandla: Ngingowokuqala njalo ngingowokucina; njalo ngaphandle kwami kakho uNkulunkulu. |
| 7. | Njalo ngubani ongabiza njengami, akumemezele, angihlelele khona, kusukela ngimisa abantu bendulo? Lezinto ezizayo, lezizakuza, kabazimemezele kubo. |
| 8. | Lingatshaywa luvalo, lingesabi; kangilitshelanga yini kusukela ngalesosikhathi, ngakumemezela? Njalo lina lingabafakazi bami. Kukhona yini uNkulunkulu ngaphandle kwami? Yebo, kalikho iDwala elinjengami, kangilazi. |
| 9. | Bonke ababumbi bezithombe ezibaziweyo bayize, lezinto zabo ezithandekayo kazisizi lutho; labo bangabafakazi babo, kababoni, kabazi; ukuze bayangeke. |
| 10. | Ngubani obumbe unkulunkulu, loba wabumba ngokuncibilikisa isithombe esibaziweyo esingasizi lutho? |
| 11. | Khangela, bonke abangane bakhe bazayangeka; lababazi bangababantu; kababuthane bonke, basukume, bazakwesaba, bayangeke kanyekanye. |
| 12. | Umkhandi wensimbi ukhanda ihloka, asebenze emalahleni, alibumbe ngezando, alisebenze ngamandla engalo yakhe; yebo, alambe, aze aphele amandla; kanathi manzi, aze adinwe. |
| 13. | Umbazi welula intambo yokulinganisa, adwebe ngosungulo, asenze ngezancele, asidwebe ngensimbi ecijileyo, asenze ngomfanekiso womuntu, ngokobuhle bomuntu, ukuze sihlale endlini. |
| 14. | Uzigamulela imisedari, athathe umsayiphuresi* lesihlahla se-okhi*, aziqinisela sona phakathi kwezihlahla zegusu, ahlanyele umfire*, lezulu li wu khulise. |
| 15. | Kuzakuba-ke ngokomuntu ukuthi akubase, njalo uzathatha kukho, othe, yebo akubase, abhake isinkwa; yebo enze unkulunkulu, amkhonze, enze isithombe esibaziweyo, akhothame kuso. |
| 16. | Atshise ingxenye eyodwa kwezimbili yakho emlilweni; ngengxenye eyodwa kwezimbili yakho adle inyama, ose amawoso asuthe; yebo, uyotha athi: Alala! ngiyakhudumala, ngiwubonile umlilo. |
| 17. | Njalo insali yakho ayenze unkulunkulu, isithombe sakhe esibaziweyo; akhothame kuso, asikhonze, akhuleke kuso athi: Ngophula, ngoba ungunkulunkulu wami. |
| 18. | Kabazanga, kabaqedisisanga; ngoba ebhade amehlo abo ukuze bangaboni; inhliziyo zabo ukuze bangaqedisisi. |
| 19. | Kakho obuyela enhliziyweni yakhe, njalo kakulalwazi njalo kakulakuqedisisa kokuthi: Ngibasile ingxenye eyodwa kwezimbili yakho emlilweni, yebo ngibhake isinkwa phezu kwamalahle akho, ngosa inyama, ngayidla; kambe ngizakwenza insali yakho isinengiso yini? Ngizakhothamela kokuvela esihlahleni yini? |
| 20. | Udla umlotha; inhliziyo ekhohlisiweyo imphambule, okokuthi angekhulule umphefumulo wakhe njalo kathi: Kakulamanga yini esandleni sami sokunene? |
| 21. | Khumbula lezizinto, Jakobe, lawe Israyeli, ngoba uyinceku yami; ngikubumbile, uyinceku yami. Wena Israyeli, kawuyikukhohlakala yimi. |
| 22. | Ngesule iziphambeko zakho njengeyezi elinzima, lanjengeyezi izono zakho; buyela kimi, ngoba ngikuhlengile. |
| 23. | Hlabelelani, mazulu, ngoba i Nkosi ikwenzile; memezani, zindawo eziphansi zomhlaba; qhamukani lihlabele, zintaba, gusu, laso sonke isihlahla esiphakathi kwakho; ngoba i Nkosi imhlengile uJakobe, yazidumisa koIsrayeli. |
| 24. | Itsho njalo i Nkosi, uMhlengi wakho, leyakubumba kwasesiswini: Ngiyi Nkosi eyenza zonke izinto; eyendlala amazulu iyodwa; eyeneka umhlaba iyodwa; |
| 25. | efubisa izibonakaliso zabaqambimanga; enze izanuse zihlanye; ebuyisela emuva abahlakaniphileyo; enze ulwazi lwabo lube yibuthutha; |
| 26. | eqinisa ilizwi lenceku yayo; ifeze amacebo ezithunywa zayo; ethi kuyo iJerusalema: Uzahlalwa; lemizini yakoJuda: Lizakwakhiwa; futhi ngizavusa amanxiwa ayo; |
| 27. | etshoyo enzikini: Tshana; njalo ngizakomisa imifula yakho; |
| 28. | etshoyo ngoKurosi: Ungumelusi wami, uzaphelelisa intokozo yami yonke; ithi lakuJerusalema: Kayakhiwe; l e thempeli ni: Isisekelo sakho kasibekwe. |
| ← Isaiah (44/66) → |