| ← Isaiah (23/66) → |
| 1. | Umthwalo weTire. Qhinqani isililo, mikhumbi yeTarshishi, ngoba ichithiwe, kungabi lendlu, kungabi lokungena. Kuvela elizweni leKitimi kwembuliwe kubo. |
| 2. | Thulani, bahlali besihlenge, wena, abathengiselani beSidoni, abachapha ulwandle, abakugcwalisileyo. |
| 3. | Langamanzi amakhulu, inzalo yeShihori, isivuno somfula yinzuzo yayo; njalo iyindawo yezizwe yokuthengiselana. |
| 4. | Woba lenhloni, Sidoni, ngoba ulwandle lukhulumile, amandla olwandle, lusithi: Kangihelelwa, kangibelethanga, njalo kangikhulisanga amajaha, kangondlanga izintombi ezimsulwa. |
| 5. | Njengasembikweni ngeGibhithe, bazahelelwa ngombiko weTire. |
| 6. | Chaphelani eTarshishi, qhinqani isililo, bahlali besihlenge. |
| 7. | Yiwo lo yini umuzi wenu ojabulayo, obudala bawo busukela ensukwini zendulo? Inyawo zawo zizawuthwalela khatshana uku ya hlala njengowezizwe. |
| 8. | Ngubani oweluleke lokhu ngeTire, omethesi womqhele, obathengisi bayo bayiziphathamandla, obathengiselani bayo ngabadumileyo emhlabeni? |
| 9. | I Nkosi yamabandla ikucebisile lokhu, ukonakalisa ukuzigqaja kodumo lonke, ukwenza badeleleke bonke abadumileyo bomhlaba. |
| 10. | Dabula ilizwe lakho njengomfula, ndodakazi yeTarshishi; akuselabhanti. |
| 11. | Yelulele isandla sayo phezu kolwandle, inyikinye imibuso; i Nkosi ilayezile imelene leKhanani, ukuchitha inqaba zayo. |
| 12. | Yasisithi: Kawusayikuphinda ujabule, ntombi emsulwa ecindezelweyo, ndodakazi yeSidoni; sukuma, uchaphele eKhithimu, lakhona kakuyikuba lokuphumula kuwe. |
| 13. | Khangela ilizwe lamaKhaladiya; lesisizwe sasingekho; amaSiriya asisekelela bona abahlala enkangala; amisa imiphotshongo yawo yokuvimbezela, abhidliza izigodlo zalo; alenza laba lunxiwa. |
| 14. | Qhinqani isililo, mikhumbi yeTarshishi, ngoba inqaba yenu ichithekile. |
| 15. | Kuzakuthi-ke ngalolosuku iTire ikhohlakale okweminyaka engamatshumi ayisikhombisa, njengokwensuku zenkosi eyodwa. Ekupheleni kweminyaka engamatshumi ayisikhombisa kuzakuba khona eTire okunjengoma yewule. |
| 16. | Thatha ichacho, ubhode umuzi, wule elikhohlakeleyo, utshaye kamnandi, uhlabele ingoma ezinengi, ukuze ukhunjulwe. |
| 17. | Kuzakuthi-ke ekupheleni kweminyaka engamatshumi ayisikhombisa i Nkosi iyihambele iTire; njalo izabuyela ekuqatshweni kobuwule bayo; izawula layo yonke imibuso phezu kobuso bomhlaba. |
| 18. | Lenzuzo yayo yokuthengiselana lokuqatshwa kwayo kuzaba yibungcwele e Nkosi ni; kakuyikulondolozwa, kubuthelelwe, ngoba inzuzo yayo yokuthengiselana izakuba ngeyabahlala phambi kwe Nkosi, ukuze badle basuthe, babe lezigqoko ezinhle. |
| ← Isaiah (23/66) → |