| ← Hosea (7/14) → |
| 1. | Lapho ngifisa ukwelapha uIsrayeli ukonakala kukaEfrayimi kuyembulwa, lezenzo ezimbi zeSamariya; ngoba bayakhohlisana, bangamasela afohlela ezindlini, labaphangi abaphanga ngaphandle. |
| 2. | Kabananzi ukuthi ngiyakhumbula yonke imisebenzi yabo emibi. Khathesi izenzo zabo zibahanqile, zikhona phambi kwami. |
| 3. | Ngobubi babo bayayikhohlisa iNkosi, lababusi ngenkohliso yabo. |
| 4. | Bayizifebe bonke, banjengeziko elitshisayo, elingakhwezelwa ngumphekizinkwa, kusukela esikhathini sokuxova inhlama kuze kube sekubileni kwayo. |
| 5. | Ngosuku lwedili lenkosi ababusi bayadakwa liwayini elibukhali, lenkosi izihlanganise lezidakwa. |
| 6. | Ngenxa yamacebo abo inhliziyo zabo ziyavutha njengeziko; ukufutheka kwabo kudede ubusuku bonke, kodwa ekuseni kubhebhe njengamalangabi. |
| 7. | Bonke bayatshisa njengeziko, bayabulala ababusi babo. Amakhosi abo wonke asephelile, kakho loyedwa okhuleka kimi. |
| 8. | UEfrayimi uyadinga ubungane bezizwe; unjengesinkwa esingavuthwanga. |
| 9. | Abezizwe badla amandla akhe, kodwa yena kakwazi lokho. Izimvu seziphumile ekhanda lakhe, kodwa yena kakwazi. |
| 10. | Ukuzigqaja kukaIsrayeli kuyafakaza ngaye, kodwa kababuyeli e Nkosi ni uNkulunkulu wabo, kabamdingi ngakho konke lokhu. |
| 11. | UEfrayimi unjengejuba eliyisiphukuphuku elingelangqondo; ucela usizo eGibhithe, abuye alucele eAsiriya. |
| 12. | Loba ngaphi lapho abaphendukela khona, ngizabathiya ngembule lami, ngibaphosele phansi njengenyoni zamazulu, ngibatshaye ngenxa yezenzo zabo ezimbi. |
| 13. | Maye kibo, ngoba basukile kimi! Kabachitheke, ngoba bangihlamukile. Mina bengithanda ukubahlenga, kodwa bona baqamba amanga ngami. |
| 14. | Kabamemezi kimi ngenhliziyo zabo, kodwa bakhala besemibhedeni yabo; lapho bekhalela amabele lewayini elitsha, bayazisika, kodwa mina bayangihlamuka. |
| 15. | Loba ngabafundisa ngabaqinisa, kodwa bangenzela amacebo amabi. |
| 16. | Baphendukela kuBhali, banjengedandili elikhohlisayo, ababusi babo bazabulawa ngenkemba ngenxa yokuziphakamisa kwabo. Lokhu kuzakuba yinhlekisa ngabo elizweni leGibhithe. |
| ← Hosea (7/14) → |