← Hosea (5/14) → |
1. | Zwanini lokhu, lina bapristi, lilalele, lina Israyeli, libeke indlebe, lani ndlu yenkosi. Ngoba isigwebo simayelana lani, ngoba belingumjibila eMizipa, lembule elendlalwe eThabhori. |
2. | Bahlamukile, batshona ebubini, ngakho-ke ngizabatshaya bonke. |
3. | Ngiyamazi uEfrayimi, loIsrayeli kafihlakalanga kimi, ngoba khathesi, wena Efrayimi, ufebile. uIsrayeli ungcolisiwe. |
4. | Izenzo zabo kazibavumeli ukubuyela kuNkulunkulu wabo. Ngoba umoya wokuwula uphakathi kwabo, kabayazi i Nkosi. |
5. | Ukuzigqaja kukaIsrayeli kuyafakaza phambi kwakhe; uEfrayimi uzakubeka ngokona kwakhe, loJuda akhubeke kanye laye. |
6. | Bazahamba lezimvu zabo lenkomo zabo ukuyahlabela i Nkosi, kodwa kabayikuyithola, ngoba isukile kibo. |
7. | Bayikhohlisile i Nkosi, ngoba bazele abantwana bezizweni. Khathesi-ke ohlaselayo uzabachitha lamazwe abo. |
8. | Vuthelani uphondo eGibeya, liluvuthele eRama, lihlabe umkhosi eBetiAveni, uthuthumele, wena Bhenjamini. |
9. | UEfrayimi uzachitheka esukwini lokutshaywa; phakathi kwezizwe zakoIsrayeli ngiyatshengisa okuliqiniso. |
10. | Ababusi bakoJuda sebenjengabantu abasiphuna izikhonkwane zemingcele; ngizakwehlisela kibo ulaka lwami njengamanzi. |
11. | UEfrayimi ucindezelwe wachotshozwa ngesahlulelo, ngoba wavuma ukulandela umlayo. |
12. | Ngakhoke mina ngizakuba njengenundu koEfrayimi, lanjengokubola koJuda. |
13. | Kwathi lapho uEfrayimi ebona umkhuhlane wakhe, loJuda ebona isilonda sakhe, uEfrayimi wasesiya eAsiriya, wathumela ilizwi enkosini enkulu. Kodwa kayilamandla ukulelapha, lokupholisa izilonda zenu. |
14. | Ngizakuba njengesilwane koEfrayimi, ngibe njengebhongo lesilwane koJuda. Mina, uqobo lwami, ngizabadabudabula, besengihamba, ngibathwale njengempango yami, kungabi khona ongemukayo. |
15. | Ngizabuyela futhi endaweni yami, baze bavume icala labo, bangidinge; esizini lwabo bangidingisise. |
← Hosea (5/14) → |