| ← Hosea (3/14) → |
| 1. | I Nkosi yathi kimi: Hamba futhi, uthande owesifazana othandwa yisithandwa sakhe loyisifebe, njengoba i Nkosi ithanda abantwana bakoIsrayeli, lanxa bephendukela kwabanye onkulunkulu, bethanda izinkwa zezithelo ezonyisiweyo zevini ezinikelwa ezithombeni. |
| 2. | Ngasengimthenga ngamashekeli* esiliva alitshumi lanhlanu, langehomeri* elilengxenye yebhali*. |
| 3. | Ngathi kuye: Uzahlala lami ube ngowami insuku ezinengi; ungawuli, ungabi ngowenye indoda, lami ngizakuba ngowakho. |
| 4. | Ngoba abantwana bakoIsrayeli bazahlala insuku ezinengi bengelankosi lombusi, lomhlatshelo, lensika, bengela-efodi*, lezithombe ezithiwa ngamatherafi. |
| 5. | Emva kwalokho abakoIsrayeli bazabuya bayidinge i Nkosi uNkulunkulu wabo, loDavida iNkosi yabo. Bazabuya e Nkosi ni besesaba, beze lekulungeni kwayo ensukwini ezizayo. |
| ← Hosea (3/14) → |