← Habakkuk (2/3) → |
1. | Ngizakuma endaweni yami yokulinda, ngime enqabeni yami, ngikhangele ukuze ngibone ukuthi izakuthini kimi, lokuthi izaphendula ithini ekukhaleni kwami. |
2. | I Nkosi yangiphendula yathi: Bhala umbono, uwenze ucace ematsheni, ukuze ufundwe kalula nguye ogijimayo. |
3. | Ngoba umbono ungowesikhathi esimisiweyo; uyaphangisa ukuya ekupheleni, kawuyikukhohlisa. Uba uphuza, uwulindele; ngoba uzafika isibili, kawuyikuphuza. |
4. | Khangela, lowo ongelabuqotho uzakwehluleka, kodwa olungileyo uzaphila ngokholo lwakhe. |
5. | Iwayini liyakhohlisa; umuntu ozikhukhumezayo kayikuma; ubuhwaba bakhe bubanzi njengengcwaba; kasuthi njengokufa; uzibuthela zonke izizwe. aziqoqele bonke abantu. |
6. | Bonke bayahlekisana ngaye yini bemklolodela besithi: Maye kuye owandisa okungeyisikho okwakhe. Koze kube nini? Kozethwesa ngezibambiso. |
7. | Labo olezikwilidi zabo kabayikukujuma yini? Bakuvukele labo abazakwenza uthuthumele yini? Uzakuba yimpango yabo. |
8. | Ngoba uziphangile izizwe ezinengi, wachitha igazi labantu, wenza ububi emhlabeni, emizini yonke lakubo bonke abahlala kiyo, bonke abaseleyo emhlabeni bazakuphanga. |
9. | Maye kulowo ozuzela indlu yakhe inzuzo embi, ukuze akhele isidleke sakhe phezulu ukuze avikeleke engozini! |
10. | Indlu yakho uyenzele ihlazo ngokuchitha abantu abanengi, ukulahlile impilo yakho. |
11. | Ngoba ilitshe lizakhala lisemdulini, lothungo luphendule lusephahleni. |
12. | Maye kuye owakha umuzi ngegazi. awuqinise ngobubi! |
13. | Khangela, kakumiswanga yi Nkosi yamabandla yini ukuthi umsebenzi wezizwe uphelele emlilweni, labantu basebenzele ize? |
14. | Ngoba umhlaba uzagcwala ukwazi ngobukhulu be Nkosi njengamanzi agcwalisa ulwandle. |
15. | Maye kuye onathisa omakhelwane bakhe inkezo yolaka lwakhe, abenze ukuthi badakwe, ukuze abukele ubuze babo! |
16. | Wena uzazisuthisa ngehlazo endaweni yodumo; natha lawe, udakwe! Inkezo esesandleni se Nkosi izafinyelela kuwe, lehlazo lehlele phezu kodumo lwakho. |
17. | Ububi obenziwa eLebhanoni buzakwehlela kuwe, ukuchitheka kwenyamazana kukwethuse ngenxa yegazi labantu lobubi obenziwa emhlabeni, emizini lakubo bonke abahlala kiyo. |
18. | Sisizani isithombe esibaziweyo, lokhu umenzi waso esibazile? Kumbe isithombe esibunjwe ngokuncibilikisa? Siyinto ebunjiweyo eqamba amanga. Kusizani ukuthi umenzi waso athembe kiso, lokuthi enze isithombe esingakhulumiyo? |
19. | Maye kulowo otshoyo esigodweni esibaziweyo ukuthi: Vuka! lelitsheni eliyisimungulu ukuthi Phaphama! Lokhu kungamfundisa ulutho yini? Khangela, kunanyekwe ngegolide langesiliva, kakulamoya wokuphefumula. |
20. | Kodwa i Nkosi isethempelini layo elingcwele; umhlaba wonke kawuthule phambi kwayo. |
← Habakkuk (2/3) → |