| Habakkuk (1/3) → |
| 1. | Leli yilizwi aliboniswayo uHabakuki umprofethi. |
| 2. | Ngizakuncenga kuze kube nini, Nkosi, ukuze ungizwe, loba ngimemeze kuwe ngobubi, ungangisizi? |
| 3. | Ungitshengiselani okubi lenkathazo? Ukuchitheka lobubi kuphambi kwami, kukhona ukulwisa lokuxabana. |
| 4. | Umlayo ubuthakathaka, lesahlulelo kasiphumeleli. Ngoba omubi uphica olungileyo, ngakho ukulunga kuyahlanekelwa. |
| 5. | Khangelani phakathi kwezizwe, libone limangale kakhulu. Ngoba mina ngenza imisebenzi ensukwini zenu elingayikuyikholwa lapho ulilandiselwa. |
| 6. | Ngoba, khangelani, ngivusa amaKhaladiya, isizwe esibabayo lesiphangisayo, esidabula emhlabeni wonke ukuyathumba indawo zokuhlala ezingeyisizo ezaso. |
| 7. | Siyesabeka, sitshayisa uvalo, isahlulelo lodumo lwaso kuvela kuso. |
| 8. | Amabhiza aso alejubane kulezingwe, ayesabeka kulempisi ehamba kusihlwa; abagadi bamabhiza aso baqhubekela phambili, bevela elizweni elikhatshana, bandize njengokhozi oluphangisa ukudla. |
| 9. | Bonke bafikela ukwenza ububi, lokwesabeka kwabo kuhambela phambi kwabo; babuthe abathunjiweyo babe ngangetshebetshebe. |
| 10. | Yisizwe esiklolodela amakhosi, lababusi sibahleka usulu, sihlekisane ngazo zonke inqaba, ngoba sibuthelela umhlabathi, sizithathe. |
| 11. | Sivunguze njengomoya, sedlule, singabantu abamandla abo angunkulunkulu wabo. |
| 12. | Kawusuye owasendulo yini, wena Nkosi Nkulunkulu wami oNgcwele? Kasiyikufa. Nkosi, wenzile lesisizwe ukuthi sibe yisigwebo; wena Dwala, usimisele ukutshaya. |
| 13. | Wena omehlo akho ahlambulukile kakhulu ukuthi abone okubi, ongelakukhangela okungalunganga. ubakhangelelani abakhohlisayo? Uthulelani lapho ababi beqeda abalungileyo kulabo? |
| 14. | Wenza abantu babe njengenhlanzi zolwandle, njengezinto ezibahabayo ezingelankosi. |
| 15. | Isizwe samaKhaladiya siyabakhupha bonke ngengwegwe, sibadonse ngembule, sibabuthe ngembule laso elihudulwayo; ngalokho-ke siyathokoza sijabule. |
| 16. | Ngakho-ke siyalihlabela imbule laso, sitshisele imbule laso elihudulwayo impepha; ngoba lisizuzela ukudla okunengi lokumnandi. |
| 17. | Sizaqhubeka ukusebenzisa amambule aso kokuphela, langokubulala izizwe kokuphela uomo yini? |
| Habakkuk (1/3) → |