← Ezekiel (35/48) → |
1. | Ilizwi le Nkosi lafika kimi lathi: |
2. | Ndodana yomuntu, khangela entabeni yeSeyiri, uprofethe ngayo, |
3. | uthi kuyo: INkosi uJehova ithi: Khangela, ngimelene lawe, wena ntaba yeSeyiri, ngizakuphakamisela isandla sami, ngikuchithe ube yinkangala. |
4. | Ngizachitha imizi yakho, uzakuba yinkangala; uzakwazi ukuthi ngiyi Nkosi. |
5. | Ngoba waba lenzondo elaphakade, wanikela abantwana bakoIsrayeli ekubulaweni ngesikhathi sokuhlupheka kwabo, ngesikhathi sokutshaywa kwabo kokucina. |
6. | Ngalokho, kutsho iNkosi uJehova, ngiyazifunga mina ukuthi ngizakunikela ekuchithekeni kwegazi, ukuchitheka kwegazi kuthomane lawe; ngoba ulecala lokuchitha igazi, ukuchitheka kwegazi kuzathomana lawe. |
7. | Ngizachitha intaba yeSeyiri ibe yinkangala, ngiqume kusuke kiyo bonke abafikayo labasukayo. |
8. | Ngizagcwalisa intaba zakho ngababuleweyo; ababuleweyo ngenkemba bazawela emaqaqeni akho lezihotsheni zakho lezindongeni zakho. |
9. | Ngizakwenza ube yinkangala elaphakade, kungahlali muntu emizini yakho. Khona uzakwazi ukuthi ngiyi Nkosi. |
10. | Ngoba utshilo wathi: Lezizizwe ezimbili, oJuda loIsrayeli, lamazwe azo kuzakuba ngokwami, sizahlala kukho, lapho i Nkosi eyayihlala khona; |
11. | ngalokho ngiyazifunga, kutsho iNkosi uJehova, ngizakuphatha ngokufanele ukuzonda kwakho lomona wakho owawenzayo ngenxa yokubazonda kwakho; ngizakwenza ukuthi ungazi nxa ngikugweba. |
12. | Uzakwazi ukuthi mina Nkosi ngizwile ukuthuka kwakho owakutsho ngezintaba zakoIsrayeli usithi: Zichithekile, zinikiwe thina ukuze sizidle. |
13. | Lakhuluma kubi ngami, landisa amazwi enu ngami, ngikuzwile. |
14. | INkosi uJehova ithi: Ukuze umhlaba wonke uthokoze, ngizalichitha. |
15. | Njengoba lathokoza ngelizwe lami uIsrayeli ngoba lachitheka, ngizakwenza njalo kuwe, uzachitheka, wena ntaba yeSeyiri, leEdoma lonke. Khona bazakwazi ukuthi ngiyi Nkosi. |
← Ezekiel (35/48) → |