← Ezekiel (20/48) → |
1. | Kwathi ngomnyaka wesikhombisa, ngosuku lwetshumi enyangeni yesihlanu, abadala abathile bakoIsrayeli beza ukubuza e Nkosi ni, bahlala phambi kwami. |
2. | Ilizwi le Nkosi lafika kimi lathi: |
3. | Ndodana yomuntu, khuluma kwabadala bakoIsrayeli, uthi kibo: INkosi uJehova ithi: Kambe lizile ukubuza kimi yini? Ngiyazifunga, kutsho iNkosi uJehova, kangiyikubuzwa yini. |
4. | Uzabahlulela, ndodana yomuntu, uzabahlulela yini? Ngakho batshele amanyala aboyise, |
5. | uthi kibo: INkosi uJehova ithi: Ngosuku engakhetha ngalo uIsrayeli, ngaphakamisa isandla sami kuyo inzalo kaJakobe, ngazibonakalisa kibo elizweni leGibhithe, ngaphakamisa isandla sami kibo ngathi: Mina ngiyiNkosi uJehova wenu. |
6. | Ngalolosuku ngafunga kibo ukuthi ngibakhuphe elizweni leGibhithe, ngibese elizweni engabadingela lona, ilizwe eligeleza uchago loluju, ilizwe elihle kulawo wonke amazwe. |
7. | Ngathi kibo: Lahlani izinto ezenyanyekayo elizibukayo lina lonke, lingazingcolisi ngezithombe zeGibhithe. Ngiyi Nkosi uNkulunkulu wenu. |
8. | Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zeGibhithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe leGibhithe. |
9. | Kodwa kangikwenzanga ngenxa yebizo lami ukuze lingangcoliswa phambi kwezizwe ababehlala phakathi kwazo, engaziveza kibo phambi kwazo ukuze ngibakhuphe elizweni leGibhithe. |
10. | Ngakho-ke ngabakhupha elizweni leGibhithe, ngabasa enkangala. |
11. | Ngabanika izimiso zami, ngabatshengisa lemithetho yami, umuntu azaphila ngayo uba eyenza. |
12. | Futhi ngabanika amasabatha ami ukuze abe yisibonakaliso phakathi kwami labo, ukuze bazi ukuthi mina Nkosi ngiyabenza babe ngcwele. |
13. | Kodwa abakoIsrayeli bangihlamuka enkangala, kabahambanga ngezimiso zami, bala imithetho yami, umuntu azaphila ngayo uba eyenza, lamasabatha ami bawangcolisa kakhulu. Ngasengisithi ngizakwehlisela ukuthukuthela kwami phezu kwabo enkangala, ngibaqede nya. |
14. | Kodwa kangikwenzanga ngenxa yebizo lami ukuze lingangcoliswa phambi kwezizwe engabakhupha phambi kwazo. |
15. | Futhi ngafunga kibo enkangala ukuthi kangiyikubaletha elizweni engangilinike bona, ilizwe eligeleza uchago loluju, ilizwe elihle kulawo wonke amazwe, |
16. | ngoba bala imithetho yami, kabahambanga ngezimiso zami, bangcolisa amasabatha ami, ngoba inhliziyo zabo zathanda izithombe zabo. |
17. | Kanti ngabahawukela, kangibabhubhisanga ngabaqeda nya enkangala. |
18. | Ngatsho kubantwana babo enkangala ngathi: Lingahambi ngezimiso zaboyihlo, lingagcini imithetho yabo, lingazingcolisi ngezithombe zabo. |
19. | Mina Nkosi nginguNkulunkulu wenu. Hambani ngezimiso zami, liqaphelise ukugcina imithetho yami, |
20. | lihloniphe amasabatha ami ukuze abe yisibonakaliso phakathi kwami lani, ukuze lazi ukuthi ngiyi Nkosi uNkulunkulu wenu. |
21. | Kodwa labantwana bangihlamuka, kabaze bahamba ngezimiso zami, kabaqaphelisanga ukugcina imithetho yami, umuntu azaphila ngayo uba eyenza; bawangcolisa amasabatha ami. Ngasengisithi ngizakwehlisela ukuthukuthela kwami phezu kwabo, ngibaqede ngolaka lwami enkangala. |
22. | Kodwa ngazinqanda ngenxa yebizo lami, ukuze lingangcoliswa phambi kwezizwe engangibakhuphe phambi kwazo. |
23. | Ngafunga kibo futhi enkangala ukuthi ngizabachithachitha phakathi kwezizwe, ngibahlakazele emazweni wonke, |
24. | ngoba bengayenzanga imithetho yami, bezalile izimiso zami, bangcolisa amasabatha ami, bathanda ukukhonza izithombe zaboyise. |
25. | Futhi ngabanika izimiso ezazingalunganga lemithetho ababengeke baphile ngayo; |
26. | ngabayekela ukuze bazingcolise ngeminikelo yabo uqobo, ngoba babenza konke okuvula isizalo kudabule emlilweni ukuze ngibesabise. Ngakwenza lokho ukuze bazi ukuthi ngiyi Nkosi. |
27. | Ngalokho, ndodana yomuntu, khuluma kundlu kaIsrayeli, uthi kibo: INkosi uJehova ithi: Lakulokho futhi oyihlo bangihlambaza ngokungikhohlisa. |
28. | Ngoba ngathi sengibalethile elizweni engangifunge ukubanika lona, kwathi lapho bebona lonke uqaqa oluphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo; banikela lapho iminikelo elephunga elihle, leminikelo yokunathwayo. |
29. | Ngathi kibo: Iyini indawo ephakemeyo yokukhonzela eliya kiyo? Ngakho ibizo layo lithiwa yiNdawo ephakemeyo yokukhonzela kuze kube lamuhla. |
30. | Ngalokho-ke tshono kundlu kaIsrayeli uthi: INkosi uJehova ithi: Lisazingcolisa njengoyihlo, lilandele izinto zabo ezenyanyekayo yini? |
31. | Lapho linikela iminikelo yenu, lisenza abantwana benu badabule emlilweni, liyazingcolisa ngezithombe zenu zonke kuze kube lamuhla. Ngizabuzwa yini, Israyeli yini? Ngiyazifunga, kutsho iNkosi uJehova, kangiyikubuzwa yini. |
32. | Umcabango elilawo kawuyikwenzeka othi: Asifanane lezizwe, labantu bamanye amazwe abakhonza isigodo lelitshe. |
33. | Ngiyazifunga, kutsho iNkosi uJehova, isibili ngizalibusa ngesandla esilamandla lengalo eqinileyo langolaka lwami; |
34. | ngilikhuphe phakathi kwezizwe, ngiliqoqe lemazweni lapho elichithachithelwe khona ngesandla esilamandla langengalo eqinileyo langolaka lwami, |
35. | ngililethe enkangala yezizwe, ngiligwebe lapho sikhangelene ubuso lobuso. |
36. | Njengalokhu ngabahlulela laboyihlo enkangala yelizwe leGibhithe, ngokunjalo ngizalahlulela lani, kutsho iNkosi uJehova. |
37. | Ngizalidlulisa ngaphansi kwentonga, ngilingenise esivumelwaneni, |
38. | ngikhuphe phakathi kwenu abahlamukayo labo bonke abonayo kimi, ngibakhuphe elizweni abahlala kilo, kodwa kabayikungena elizweni lakoIsrayeli. Khona lizakwazi ukuthi ngiyi Nkosi. |
39. | Lina-ke, Israyeli, kutsho iNkosi uJehova, hambani lonke liyekhonza izithombe zenu! Kodwa ngithi lizangilalela ekucineni; lizayekela ukungcolisa ibizo lami elingcwele ngeminikelo yenu langezithombe zenu. |
40. | Ngoba entabeni engcwele, entabeni ende yakoIsrayeli, kutsho iNkosi uJehova, lapho indlu yonke kaIsrayeli, bonke ngoluthi lwabo, bazangikhonza elizweni; ngizabemukela khona, ngibize khona iminikelo yenu, lezipho zenu ezinhle, lakho konke okungcwele kwenu. |
41. | Ngizalemukela njengephunga elimnandi nxa ngilikhupha ezizweni, ngiliqoqa emazweni lapho ebelichithachithelwe khona; ngizabonakalisa ubungcwele bami phakathi kwenu phambi kwezizwe. |
42. | Lizakwazi ukuthi ngiyi Nkosi lapho sengilibuyise elizweni lakoIsrayeli, ilizwe engafunga ukulinika oyihlo. |
43. | Lapho-ke lizakhumbula indlela zenu lezenzo zenu zonke elazingcolisa ngazo; lizazizonda ngenxa yazo zonke izinto ezimbi elazenzayo. |
44. | Lizakwazi ukuthi ngiyi Nkosi nxa ngiliphatha ngenxa yebizo lami, ngingaliphathi ngokwendlela zenu ezimbi langokwezenzo zenu ezimbi, lina ndlu kaIsrayeli, kutsho iNkosi uJehova. |
45. | Ilizwi le Nkosi lafika kimi lathi: |
46. | Ndodana yomuntu. Khangelisa ubuso bakho ngeningizimu, uprofethe ngeningizimu, uprofethe ngelizwe lamaGusu eliseningizimu. |
47. | Uthi kilo igusu leningizimu: Zwana ilizwi le Nkosi. INkosi uJehova ithi: Khangela, ngizaphemba umlilo phakathi kwakho ozatshisa zonke izihlahla eziluhlaza ezikuwe lezihlahla ezomileyo; ilangabi elivuthayo kaliyikucitsheka, lizatshisa konke kusukela eningizimu kuze kufike enyakatho. |
48. | Yonke inyama izabona ukuthi mina Nkosi ngiwuphembile, kawuyikucitsheka. |
49. | Ngasengisithi: Hawu, Nkosi Jehova! sebesithi ngami: Yena kasumqambi wemifanekiso yini? |
← Ezekiel (20/48) → |