← Amos (8/9) → |
1. | INkosi uJehova yangitshengisa lokhu, khangela, isitsha sezithelo zasehlobo. |
2. | Yathi kimi: Amosi, ubonani? Ngathi: Ngibona isitsha sezithelo zasehlobo. I Nkosi yasisithi kimi: Ukuphela sekufikile ebantwini bami uIsrayeli; kangisayikubayekela futhi. |
3. | Izingoma zethempelini zizaphenduka zibe yikukhala mhlalokho, kutsho iNkosi uJehova; izidumbu zizagcwala yonke indawo, zikhutshelwe phandle. Thulanike! |
4. | Zwanini lokhu, lina elinyathelela phansi abaswelayo, elichitha abayanga belizwe, |
5. | elithi: Ukuthwasa kwenyanga kuzadlula nini ukuze sithengise amabele? lesabatha lizaphela nini ukuze sidingise amabele ethu, senze isikali sokulinganisa sibe sincinyane, lemali ibe nengi, sikhohlise ngesilinganiso, |
6. | ukuze sithenge abayanga ngesiliva labaswelayo ngamanyathela, sithengise amakhoba amabele yini? |
7. | I Nkosi ifungile ngokuzigqaja kukaJakobe, yathi: Isibili kangiyikuzikhohlwa izenzo zabo kuze kube nininini. |
8. | Kawuyikuqhaqhazela umhlaba wonke ngalokhu, balile bonke abakhileyo kiwo, ukhukhumale wonke njengomfula inile, uphoseke le lale, ubuye ubohle njengeNile leGibhithe yini? |
9. | Ngalolosuku, itsho iNkosi uJehova, ngizatshonisa ilanga emini, ngenze kube mnyama emhlabeni emini ekhanyayo. |
10. | Ngizaphendula imikhosi yenu ibe yikukhala, lengoma zenu zonke zibe yikulila, livunule amalembu amasaka enkalweni zonke liphuce amakhanda enu, kube yisililo esinjengesokulilela indodana eyodwa, kube lusuku olubabayo. |
11. | Khangelani, insuku ziyeza, kutsho iNkosi uJehova, lapho ngizathumela indlala elizweni, kungabi yindlala yokudla, kungabi ngeyokomela amanzi, kodwa kube ngeyokuzwa amazwi e Nkosi. |
12. | Abantu bazazula kusukela elwandle kuze kube selwandle, kusukela enyakatho kuze kube sempumalanga, bagijimele le lale, bedinga ilizwi le Nkosi, bangalitholi. |
13. | Ngalolosuku intombi ezigcweleyo ezinhle lamajaha azaqaleka ngenxa yokoma. |
14. | Abafunga isithombe seSamariya besithi: Unkulunkulu wakho, Dani, uyaphila! lokuthi: Indlela yeBherishebha; bazakuwa, bangabe besavuka. |
← Amos (8/9) → |