| ← Amos (4/9) → |
| 1. | Zwanini lelilizwi, lina mankomokazi eBashani, elisentabeni yeSamariya, elicindezela abayanga, linyathezela phansi abaswelayo, elithi kubomkenu: Lethani sinathe. |
| 2. | INkosi uJehova ifungile ngebizo layo elingcwele, yathi: Khangelani, insuku zizalifikela lapho bazalihudula ngezingwegwe, labokucina kini ngengwegwe zokubamba inhlanzi. |
| 3. | Lizakhutshwa ngezikhala kube ngulowo lalowo ngesiqondene laye, lilahlelwe ngaphandle; kutsho i Nkosi. |
| 4. | Wozani eBhetheli, lizekona, leGiligali, lizekwandisa izono zenu. lilethe imihlatshelo yenu ekuseni insuku zonke, lengxenye yetshumi yenu kanye ngensuku ezintathu! |
| 5. | linikele umhlatshelo wenu wokubonga ngokuwutshelweyo, limemezele iminikelo yesihle liyizwakalise! ngoba lithanda ukwenza njalo lina bantwana bakoIsrayeli, kutsho iNkosi uJehova. |
| 6. | Yimi engalethela indlala emizini yenu yonke, lokusweleka kokudla kuzo zonke indawo zenu; kanti kaliphendukelanga kimi, kutsho i Nkosi. |
| 7. | Futhi ngalincitsha izulu kusasele inyanga ezintathu ukuthi kuvunwe; ngalinisa komunye umuzi, kangaze ngalinisa komunye. esinye isiqinti sanethwa, kwathi leso esinganethwanga satsha. |
| 8. | Kwasekuhamba imizi emibili loba emithathu. yayanatha amanzi emzini owodwa, kodwa kayikholwanga; kanti kaliphendukelanga kimi, kutsho i Nkosi. |
| 9. | Ngalitshaya ngalilethela ukutshisa lengumane, ngatshisa izivande zenu lezivini zenu, izihlahla zenu zemikhiwa lezihlahla zenu zemihlwathi zadliwa zintethe; kanti kaliphendukelanga kimi, kutsho i Nkosi. |
| 10. | Ngathumela phakathi kwenu umatshayabhuqe wesifo ofanana loweGibhithe, ngabulala amajaha enu ngenkemba, ngathumba amabhiza enu; ngenza ivumba lenkamba yenu lenyuke; kanti kaliphendukelanga kimi, kutsho i Nkosi. |
| 11. | Ngachitha abanye benu njengalokho uNkulunkulu wachitha iSodoma leGomora, lalinjengesikhuni esophulwe eziko; kanti kaliphendukelanga kimi, kutsho i Nkosi. |
| 12. | Ngakho-ke ngizakwenza lokhu kuwe, Israyeli; ngoba ngizakwenza lokhu kuwe, zilungiselele ukuhlangana loNkulunkulu wakho, Israyeli. |
| 13. | Ngoba khangela, lowo owabumba izintaba, wadala umoya, lotshela umuntu ukuthi imicabango yakhe iyini, owenza ukusa kube mnyama, onyathela ezindaweni eziphakemeyo zomhlaba, yi Nkosi, uNkulunkulu wamabandla, ibizo lakhe. |
| ← Amos (4/9) → |