| ← Zechariah (5/14) → |
| 1. | Tah chuan ka mit ka han len chho leh a, ka han en a, lehkhabu zial thlawk duai duai hi ka hmu a. |
| 2. | Tin, ani chuan ka hnenah, Eng nge i hmuh le? A ti a. Kei chuan ka chhang a, Lehkhabu zial thlawk duai duai ka hmu; a dung chu tawng sawmhnih a ni a, a vang chu tawng sawm a ni, ka ti a. |
| 3. | Tin, ani chuan ka hnenah, Hei hi ram pum pui chunga anchhe kal chhuak chu anih hi; a pang khing khat thu ang zelin rukru apiang pawh thenfai an ni bawk ang. |
| 4. | ka kal chauhtir ang a, rukru inah leh ka hming chhala dik lo taka chhechhamtu inah te chuan a lut ang a, an in chhungah chuan a awm reng ang a, a thingphel te, a lungte chawpin a tiral vek ang tih hi Sipaihote LALPA thu chhuak a ni, a ti a. |
| 5. | Tin, vantirhkoh mi betu chu a kal chhuak a, ka hnenah, Tunah i mit han len cho la, kal chhuak ta kha eng nge ni? En teh, mi ti a. |
| 6. | Tin, kei chuan, Eng nge ni? Ka han ti a. Ani chuan, "Hei hi ani bawm kal chhuak ta kha," a ti a. Amah vekin, "Hei hi ram pum puia an khawlohna chu ani" a ti a. |
| 7. | Suan talent khata rit a chhin chu a hawng a, bawm chhungah hmeiche pakhat a thu a. |
| 8. | Tin, ani chuan, Hei hi Suaksuali chu a ni, a ti a; Ephah chhungah chuan a nem lut a; tin, suan rit ak chuan a chhin ta a. |
| 9. | Tah chuan ka mit chu ka han len chho a, ka han en a, hmeichhe pahnih lo kal chhuak ka hmu a, an thlaah chuan thli a awm a; thla chu vacha thla ang hi an nei a ni. Tin, Ephah chu lei leh van karah an chawikang ta a. |
| 10. | Tin, kei chuan vantirhkoh mi betu hnenah chuan, Ephah chu hengte hian khawi lamah nge an kalpui dawn? Ka ti a.Ani chuan ka hnenah, sinar rama a tana in sakna tur lamah chuan; tin, in chu peih anih hun chuan chutah chuan ama hmun ngeiah an dah ang, a ti a. |
| 11. | Ani chuan ka hnenah, sinar rama a tana in sakna tur lamah chuan; tin, in chu peih anih hun chuan chutah chuan ama hmun ngeiah an dah ang, a ti a. |
| ← Zechariah (5/14) → |