←  SongOfSongs (2/8)  →

---

1.

Ka lo ni e, Saron par leh phaizawla lili.

2.

Hling zinga lili ang hi ka hmangaih chu a ni, lanute zingah.

3.

Ngaw hnuai thing zingaapple thing ang ka duhtak chu a ni, tlangvalte zingah. A hlimah chuan ka thu, nuam takin, a rah chu ka tan a thlum ngei e.

4.

Ruai theh inah chuan kei mi hruai a, ka chungah a puanzar chu hmangaihna.

5.

Grep thei chhanga mi tungnungin mi tiharh teh u, apple theiin, hmangaihnaah ka uai zo ta e.

6.

A kut veilam chu ka lukhama'n, a kut dinglamin mi pawm teh se!

7.

Ka ngen tlat che u, aw Jerusalem fanute, saza leh ram zukpui chhalin, hmangaihna chu chawk thoa tiharh lo turin; amahin a duh hma chuan.

8.

Ka duhtak aw chu, ngai rawh, a lo kal e, tlangah zuang tumin mualah a tualchai e.

9.

Ka duhtak chuan a ang, saza emaw zuktuai; ngai rawh, a ding reng ka bang phenah, a rawn bih kha tukverhahte chuan, zawngdaikalh awngah a inlan e.

10.

Ka duhtak chuan heti hian mi ti a. Tho la, ka hmangaih, ka enchim loh, lo kal ta che,

11.

En teh, thlasik a ral a, ruahtui a kangin a kiang ta si;

12.

Leia'n pangparte an lo lang a, sirva zai vawr hun a lo thleng a, thuva awrawl hriat a ni ta, kan ramah hian;

13.

Theipui kungin rah a chhuah a. Grep hruite an lo par vul, an rimtuinate leng chhuakin. Tho la, ka hmangaih, ka enchim loh, lo kal ta che,

14.

Aw ka thuva, lungpui keh kara mi, kham chhawrdawha awm, i hmel min hmuhtir la, i aw min hriattir ta che; i aw a mawi a, i hmel lah a nalh si.

15.

Min mansak u la, sihalte, sihal note te, grep huan tichhetute chu, kan grep huante a par vul mek si, tiin.

16.

Ka duhtak chu ka ta a ni, kei pawh a ta ka ni e, a ran rual tlattir thin kha, lili par zingah.Ni a nema hlim a her bo hma loh chuan, ka duhtak, Bether tlang saza, zuk tuai ang chang rawh.

17.

Ni a nema hlim a her bo hma loh chuan, ka duhtak, Bether tlang saza, zuk tuai ang chang rawh.

---

←  SongOfSongs (2/8)  →