←  Psalms (59/150)  →

---

1.

Aw ka Pathian, mi dotute lakah mi chhanhim la: Mi beitute lak ata hmun sangah mi hlang ang che.

2.

Thil tisualtute lakah mi chhanhim la, Thisen chhuah hmangte lakah mi chhandam ang che.

3.

Aw LALPA, ka bawhchhiatna avang ni loin, ka sual avang ni hek loin, Ngai teh, ka nuna hi an chang reng si a, Mi chakte chu mi bei turin an pung khawm a ni.

4.

Ka sual loh pawhin an tlan a, an inbuatsaih a: Mi tanpui turin intiharh la, en rawh.

5.

Aw LALPA, sipaihote Pathian, Israelho Pathian, Nangmah ngei chu hnam tinreng talwh turin tho lo: Mi vervek sual takte reng reng chu khawngaih suh ang che. (Selah)

6.

Tlai lamah an lo kal leh a, ui angin an chiau chul a, Khawpui chu an vel an vel a.

7.

Ngai teh, an kain an irhc hhuak a; An hmuiah chuan khandaihte a awm a: "Tunge hria awm ni?" an ti mai a.

8.

Niamhsela aw LALPA, nangin anni chu i nuihsan zawk ang a; Hnam tinreng chu i nuihzabur ang.

9.

Aw mi tichaktu, ka nghak reng ang che, Pathian chu ka kulhbingsang ani si a.

10.

Ka chunga ngilnei Pathian chuan mi hmuak ang a: Pathianin ka hmelmate chngah ka thu duhsam chu mi hmuhtir ang.

11.

Anni chu that suh ang che, chutilochuan ka miten an theihnghilh dah ang e: Aw LALPA, kan phaw ber, I thiltihtheihnain tidarh la, titlawm ang che.

12.

An ka sualna avang leh an hmuioa thu chhuak avangin An chapona ngeiah chuan rawk rawh se, An thu sawi thin anchhe lawhna leh dawt thu avang pawhin.

13.

Anniho chu thinrimin tiboral la, an awm tawh lohna turin tiboral la: Pathianin Jakob-ho zingah ro a rel tih hre hlawm rawh se, Kawlkil thlengin. (Selah)

14.

Tin, tlai lamah lo kal leh se la, uii angin chiau chul se la, Khawpui chu vel vel rawh se.

15.

Anni chu ei tur zawngin an vak an vak ang a, An tlai loh chuan an awm zankhua ang.

16.

Nimahsela kei chuan i chakna thu hi hlaah ka sa ang a; A ni, zingah chuan i ngilneihna thu hi hlim takin hlaah ka sa ang:Nang chu ka kulhbing sang, Ka mangan nia ka inhumhimna i ni si thin a. Aw mi tichaktu, nangmah fakin ka zai ang a: Pathian chu ka kulhbingsnag, ka chunga ngilnei Pathian chu a ni si a.

17.

Nang chu ka kulhbing sang, Ka mangan nia ka inhumhimna i ni si thin a. Aw mi tichaktu, nangmah fakin ka zai ang a: Pathian chu ka kulhbingsnag, ka chunga ngilnei Pathian chu a ni si a.

---

←  Psalms (59/150)  →