←  Psalms (140/150)  →

---

1.

Aw LALPA, misual lakah chuan mi chhanhim la; Mi nunrawng lakah chuan mi humhim ang che:

2.

Anni chuan a n thinlungah thil tihsualte an ngaihtuah thin a; Do turin an inkhawm fo thin.

3.

An lei chu rul angin an tihriam a; An heh chhungah chuan rulrial tur a awm a. (Selah)

4.

Aw LALPA, mi suaksual kut lakah chuan mi vawng tha la; Mi nunrawng lakah chuan mi humhim ang che: Anni chuan ka ke pente hi nam kawi an tum a.

5.

Mi chapote chuan ka awhna'n thang an kam ru a, hruihrualte nen; Kawng sirah chuan len an phah a; Ka awhna'n thangte an kam a. (Selah)

6.

LALPA hnenah chuan, "nang chu ka Pathian i ni a: Aw LALPA, khawngaih ka dilna awte hi lo bengkhawn ang che.

7.

Aw PATHIAN, Lalpa, min chhandamna tichaktu, Nang chuan inbei niah chuan ka lu mi khuhsak a.

8.

Aw LALPA, mi suaksual duhzawngte chu phal suh la; An ngaihtuahna sual chu puitlintir suh ang che; chutilochuan an inchawimawi dah ang e," ka ti a. (Selah)

9.

Mi hual veltute lu chu, Anmahni hmuia an thu sual sawi chuan khuh rawh se.

10.

Meilingte an chungah tla se la: Meia paihin awm se la;

11.

An thawh leh tawh lohna turin khuarkhurum thuk takahte paihin awm rawh se. Thu tha lo sawitu chu leiah hian tihnghehin a awm lo ang a: Mi nunrawng tichhe turin thil tha loin a pel ang.

12.

LALPA chuan hrehawm tuarte chu an thu-ah a tan ang tih ka hria, Pachhiate chu an tana awm rengah nen.Matheiloin mi felte chuan i hming an fak ang a: Mi dikte chu i hmaah an awm ang.

13.

Matheiloin mi felte chuan i hming an fak ang a: Mi dikte chu i hmaah an awm ang.

---

←  Psalms (140/150)  →