←  Proverbs (9/31)  →

---

1.

Finna chuan a in a sa a, a ban pasarih a phun a;

2.

A rante a talh a; a uainte a chawhpawlh a; a dawhkanah pawh ei tur a hlui a.

3.

A nulate a tir chhuak a, khuaa hmun sangahte a au a,

4.

'Mi mawl apiangte chu he lamah hian lo kal rawh se,' tiin. Tin, hriatna nei lote chu,

5.

'Lo kal u la, ka chhang ei u la, ka uain chawhpawlh chu in rawh u.

6.

Aw nangni mi mawlte u, atna kawng chu chhuahsan u la, nung rawh u; Tin, hriatna kawngah chuan kal rawh u,' a ti a.

7.

Hmusit ching zilhtu chuan tihtauh khumna a tawk thin a, mi suaksual zilhtu chuan kut tuarna a insiam thin.

8.

Hmuhsit ching mi chu zilh suh, a haw dah ang che, mi fing zilh la, a hmangaih ang che.

9.

Mi fing zilh la, a fing lehzual sauh dawn nia; mi fel zirtir la, thiamnaah a lo pung dawn nia.

10.

LALPA tih hi finna bul a ni a, mi thianghlima hriatna hi hriatthiamna a ni.

11.

Keimahin i nite chu tihpun a ni ang a, i dam chhung kumte chu a pung ang.

12.

I lo fin chuan, i tana fing i lo ni ang. Hmusittu i nih chuan nangmah chauhin i tuar ang.

13.

Hmeichhe a chu a awm hle hle thei lo a, a mawl a, engmah a hre lo.

14.

A kawngkaah a thu thin a, khua hmun sangtea thutphahah chuan,

15.

Kawnga lo kal apiangte chu,

16.

'Mi mawl apiangte chu he lamah lo kal rawh u,' tia ko turin; tin, hriatna nei lote hnenah chuan,

17.

'Ruk tui chu a thlum a, a ruka chhang ei chu a tui a ni,' a ti a.Nimahsela chutah chuan mitthi an awm tih leh a mi sawmte chu Seol rila awm an nih a hre lo.

18.

Nimahsela chutah chuan mitthi an awm tih leh a mi sawmte chu Seol rila awm an nih a hre lo.

---

←  Proverbs (9/31)  →