←  Proverbs (3/31)  →
1. Ka fapa, ka dan chu theihnghilh suh la, i thinlungin ka thupekte chu zawm reng zawk rawh se;
2. Dam ni leh kum te, thlamuannate a pek belhchhahsak dawn che nia.
3. Khawngaihna leh thu tak chuan hnuchhawn che suh se, i nghawngah zem tlat la, i thinlung phekah ziak rawh.
4. Tichuan pathian leh mihring mithmuhah duhsakna leh hming thatna i hlawh dawn nia.
5. I thinlung zawng zawngin LALPA ring la, nangma hriatnaah innghat suh;
6. I kawng zawng zawngah amah hre reng la, i kawngte chu a kawhhmuh zel ang che.
7. Mahni ngaihin intifing suh la; LALPA chu tih la, sual kalsan rawh.
8. I lai tan hriselna a ni ang a, i ruh tan thling a ni ang.
9. I sumin LALPA chawimawi la. I thil lo pung hmasa ber zawng zawngte nen;
10. Tichuan i buh in chu a lo khat liam ang a, i sawrkhur uain tharin a luang liam ang.
11. Ka fapa, LALPA thununna che ngainep suh la, a zilhhauna che ning hek suh.
12. LALPA chuan a hmangaihte chu a zilhhau thin a ni, pain fa a lawm apiangte a zilhhau thin ang hian.
13. Finna hmu chhuaktu chu a nihlawh a, hriatthiamna hmu chhuaktu pawh.
14. Tangkaraw peipun aiin a peipun chu a tha zawk si a, a hlep pawh rangkachak tha mi aiin.
15. Lunghlu sen mi aiin a hlu a; thil i duhthusam theih ang zawng zawngin a hen lo.
16. A kut ding lamah dam reina a awm a, a kut vei lamah sum leh ropuina.
17. A kawngte chu nunkhaw nawmna kawng a ni a, a kawng zawng zawng chu thlamuanna a ni.
18. A vuan apiangte tan nuna thing a ni a, a kawl reng apiangte chu an hamtha e.
19. LALPA chuan finnain leilung a din a, hriatnain vante a tinghet a;
20. A thiamnain tuifinriatte a sah a, chhumte chuan dai a fartir a.
21. Ka fapa, i mit ata kiantir suh la, finna leh ngaihruat thiamna dik tak chu vawng tlat rawh;
22. I nunna tan nunna a ni ang a, i nghawng tan khawngaihna.
23. Tichuan i kawngah him takin i kal ang a, i ke chu a petek lo ang.
24. I mut hunin i hlau lo ang a, a ni, i mu ang a, tui takin i muhil ang.
25. Hlauhna lo awm thutte chu hlau suh la, mi suaksualte chunga tiauna a lo thlenin hlau hek suh.
26. LALPA chu i himna a ni si a, i ke chu awk lo turin a veng dawn a ni.
27. A phute tan thatna ui suh, i kuta tih theihna a awm phawt si chuan.
28. I thenawm hnenah, "Kal leh ta rih la, lo kal leh rawh, naktukah ka pe ang che," ti suh, i kawl reng si chuan.
29. I thenawm chungah thil tha lo suangtuah suh, ngaihngam takin i kiangah a awm tih hre siin.
30. A vang awm loin mi sual mai suh; i pawi engmah a khawih loh chuan.
31. Mi nunrawng awt suh la, a kawng a engamah thlang suh.
32. Mi kawhmawh chu LALPA ngaihin tenawm a ni si a; mi tha famkim erawh chu a thian an ni.
33. LALPA anchhia chu mi suaksual inah a awm a, mi felte chenna erawh chu mal a sawm thin.
34. Mi hmusittute chu a hmusit thin a, inngaitlawmte erawh chu khawngaihna a pe thin.Mi fing chuan ropuina an rochung ang a, mi ate kaisanna erawh chu mualphona a ni ang.
35. Mi fing chuan ropuina an rochung ang a, mi ate kaisanna erawh chu mualphona a ni ang.
←  Proverbs (3/31)  →