←  Proverbs (26/31)  →
1. Nipuia vur tla leh buh seng laia ruah sur a inhmeh lo angin mi a chawimawi hi a inhmeh lo a ni.
2. Chawngzawng thlawk thlawk leh vamur leng lai angin vang awm loa anchhe lawh chu engmah lo a ni.
3. Vuakna hrui chu sakawr tan a ni a, thirbarh chu sabengtung tan a ni a, tiang chu mi a hnungzang tan a ni.
4. Mi a chu a at dan angin chhang suh, amah ang i lo ni hlauh dah ang e.
5. Mi a chu a at dan a zirin chhang rawh, chutilochuan mi fingah a inngai mai dah ang e.
6. Mi a thuchahtu chu ama kea tan a ni a, ama chhiatna a in a ni.
7. Kebai kete chu a then a then a, chutiang chuan tehkhin thu chu mi ate kaah chuan a ni thin.
8. Mi a chawimawi chu lung intiangkhawm chunga lunghlu ip ang a ni.
9. Mi ate kaa tehkhin thu chu, zu rui mi kut hling chhun ang a ni.
10. Mi a leh mi veivak ruai thin chu thal kah thiam mi hliam thintu ang hi a ni.
11. Mi a a atzia tilang nawn leh thin chu ui a luak hnu ei leh thin ang hi a ni.
12. Mahni ngaiha fing inti i hmu thin em? Chu mi ai chuan mi aah beiseiawm a awm tam zawk.
13. Mi thatchhia chuan, Kawngah sakeibaknei a awm, kawtthlerah sakeibaknei a awm, a ti thin.
14. Kawpzaa kawngkhar a her vel angin mi thatchhia chu a khumah a her vel thin.
15. Mi thatchhia chuan a kut thlengah a hnim a; a kaa thlen leh pawh a peih thin lo.
16. Mi pasarih thil chhut thiam ai pawhin mi thatchhia chu ama ngaihin a fing zawk.
17. A inrawlh vena tur pawh awm hauh si loaa kal paha mi sual mai chu ui kal lai a benga lo mantu ang a ni.
18. thenawmte bum a, Ka fiamthu a ni lo'm ni? titu chu
19. Mi a, meichher te, thla te, thihna tea mi tihthaihtu ang a ni.
20. Thing a ral vangin mei chu a thi a, sesea thu sawitu awm lohnaah chuan inhauna a reh thin.
21. Meiling chu meihawl tivamtu leh thing chu mei tialhtu a ni angin an hmang mi chu insualna tialhtu a ni.
22. Sesea thu sawi hmangte thu chu chaw tui tak ang a ni a, pumpui chhungrilah a lut thin.
23. Thu sawi tlawr hmui leh thinlung sual chu hlumbel tangkaraw tuieka luan ang a ni.
24. Mi huat hmang a kain a thup a, a thinlungah erawh chuan bumna a vawng thin.
25. Tha taka thu a sawi pawhin ring suh, a thinlungah thil tenawm pasarih a pai si a.
26. A huatna chu bumnain thup mah se la, a suahsualna chu tlang hriatah tihlan a ni ang.
27. Khuarkhurum lai apiang chu, a chhungah chuan an tla ang a, tupawh lung lum chu ama chungah a lo lum let leh ang.Lei dawthei chuan ama hliamte chu a haw thin a, fak derna ka chuan thil a tichhe thin.
28. Lei dawthei chuan ama hliamte chu a haw thin a, fak derna ka chuan thil a tichhe thin.
←  Proverbs (26/31)  →