←  Proverbs (21/31)  →
1. Lal thinlung chu LALPA kutah a awm a, tui luanna kawng angin, a duh duhnaah a tikawi thin.
2. Mi tin an awm dan hi mahni mitah chuan dik tih a ni a; nimahsela LALPA'n thinlung a buk thin.
3. Inthawina aiin dik tak leh fel taka rorel chu LALPA tan a pawmawm zawk.
4. Mi indah chung leh rilru chapo, mi suaksual khawnvar hi sual a ni.
5. Mi taima ngaihtuahna chuan neihnunna lam chauh a pan a. Mi thatchhia erawh chuan tlakchhamna lam chauh a pan a ni.
6. Lei dawthei hmanga sum deh chhuah chu chhum thli chhem len chhem len a ni; a zawngtu chu thihna zawng a ni.
7. Mi suaksualte nunrawnna chuan anmahni a hnawl bo ang. Rorelna fel an duh loh vangin.
8. Thiam lohna phurtu kawng chu a kawi em em mai a, mi thianghlim erawh chu a thiltih a ngil a ni.
9. Hmeichhe inhau hmang tak nena in zau taka awm ai chuan in chung chhip kila awm a tha zawk.
10. Mi suaksual rilru chuan thi tha lo a duh a, a thenawmten a mitah duhsakna an hmu lo.
11. Hmusit ching mite hrema an awmin mi mawlte chuan an fin phah a; tin, mi fing chu zirtira a awmin hriatna a dawng thin.
12. Mi fel chuan mi suaksual chhungkuate a ngaihtuah thin a, mi suaksualte an chhiatna tura thehthang bo an nihzia te.
13. Mi rethei au thawma beng chhu ngawng chu, ani pawh a au vang a, nimahsela ngaihthlaksak a ni bik lo ang.
14. A ruka thilpekin thinur a tireh a, an chhunga thilpekin thinrim nasa tak.
15. Rorel fel hi mi fel lawmna a ni a, khawlohna titu tan erawh chuan boralna a ni.
16. Hriatna kawng ata kal bo chu mitthi awm khawm zingah a chawl ang.
17. Nawmsakna thlahlel chu mi rethei a ni ang a, uain leh hriak ngaina mi chu an hausa lo ang.
18. Mi suaksual chu mi fel tlanna an ni ang a, mi bumhmang chu mi dik tak tlanna.
19. Hmeichhe an hmang leh phunchiar nena awm ai chuan thlaler rama awm a tha zawk.
20. Mi fing awmnaah chuan ro leh hriak hlu tak a awm a, mi a erawh chuan an dawlh mai thin.
21. Felna leh zahngaihna zuitute chuan nunna te, felna te, chawimawinate an hmu ang.
22. Mi fing chu mi chak khawpuiah a lo awm a, chu mia na rinpui ber chakna chu a lak thlaksak thin.
23. Tupawh a ka leh a lei veng tha chuan manganna lakah a nuna a veng tha a ni.
24. Mi chapo leh mi intivei chu a hming Hmusittua a ni; inngaih ropui chaponain thil a ti thin.
25. Mi dawngdah duhthusam chuan amah a tihlum thin, a kutin hnathawh a duh loh avangin.
26. Nilenga duham taka awh nei an awm a; mi fel erawh chuan a pe a, engmah a sum lo.
27. Mi suaksual inthawina chu thil tenawm ani a, rilru sual nena a rawn lak chu a va tenawm lehzual dawn em!
28. Hretu der chu a boral ang a; nimahsela hretu dik chuan tuma dodal lohin thu a sawi ang.
29. Mi suaksualin a hmel a tiruh a, mi fel erawh chuan a kawng a rel fel thin.
30. LALPA kalhzawng finna te, hriatna te, remruatnate a awm lo.Sakawr chu indo ni atan buatsaih a ni a, hnehna erawh chu LALPA ta a ni.
31. Sakawr chu indo ni atan buatsaih a ni a, hnehna erawh chu LALPA ta a ni.
←  Proverbs (21/31)  →