←  Numbers (34/36)  →

---

1.

Tin, LALPA'n Mosia a bia a,

2.

Israela thlahte chu thu pe la, an hnenah 'Kanaan ram in thlen hun chuan (Kanaan ram, a ramri zir ang zela in luah tur ram chu)

3.

chhim lama in luah tur chin chu Zin thlaler atanga Edom ram hrul zel a ni ang a, chhim lam ramri chu Tuifinriat Al tawp atanga chhak lampang a ni ang:

4.

tin, in ramri chu Akrabim chhohna chhim lampangah a kawi ang a, Zin-ah a kal tlang ang a; tin, a lo chhuahna chu Kades-barnea chhim lamah a ni ang: tin, Hazar-adar-ah a kal ang a, Azmonah a kal zel ang:

5.

tin, ramri chu Azmon atangin Aigupta lui thlengin a kawi ang a, a chhuahna chu tuifinriatah a ni ang.

6.

Tin, thlang lampangah chuan tuifinriat zau chu a ramri atan i chang ang a: hei hi thlang lama in ramri a ni ang.

7.

Tin, hei hi hmar lama in ramri a ni ang: tuifinriat zau atangin Hor tlang huamin i siam ang a;

8.

Hor tlang atanga Hamat luhna thlengin i siam ang a, ramri chhuahna chu Zedad-ah a ni ang a:

9.

tin, ramri chu Ziphon-ah a kal zel ang a, tin, a chhuahna chu Hazar-enan-ah a ni ang; hei hi hmar lama in ramri a ni ang.

10.

Tin, chhak lama in ramri chu Hazarenan atangin Sepham thlengin i siam ang a:

11.

tin, ramri chu Sepham atnagin Ribla thlengin Ain chhak lampangah a chhuak ang a; tichuan, ramri chu a chhuk zel ang a, Kineret tuifinriat chhak lampang a chhun ang a;

12.

tin, ramri chu Jordan-ah a chhuk ang a, tin, a chhuahna chu Tuifinriat Al-ah a ni ang: hei hi a chhehvela ramri kal dan ang hian in ram a ni ang,' ti rawh," tiin.

13.

Tichuan Mosia chuan Israela thlahte chu thu a pe a, "Hei hi LALPA'n hnam kua leh a chanve te3 pek tura thu a pek thumvawra in luah tur ram chu a ni;

14.

Reubena thlahte hnamin an chhungkaw zir zel leh, Gada thlahte hnamin an chhungkaw zir zel leh, manase hnam zatve pawh in an ram luah tur chu a chang ta si a:

15.

hnam hnih leh hnam zatvee chuan an ram luah tur chu ni chhuahna lam Jeriko zawn Jordan ral chhak lamah an chang tawh a," tiin.

16.

Tin, LALPA'n Mosia a bia a,

17.

Luah tura ram thensawmpuitute hming chu hengte hi a n: puithiam Eleazara leh Nuna fapa Josua te hi.

18.

Tin, ram luah tur thentu atan hnam tin, zinga puipa pakhat theuhin thlang tur a ni," tiin.

19.

Chung mite hming chu he'ng hi a niL Juda hnama mi Jephunea fapa Kaleba.

20.

Tin, Simeona thlahte hnama mi Amihuda fapa Semuela

21.

Tin, Benjamin hnama mi Kishlona fapa Elidada.

22.

Dana thlahte hnam zinga puipa Joglia fapa Bukia.

23.

Josefa thlahte zinga mi, Manasea thlahte puipa Ephoda fapa Haniela:

24.

Ephraim thlahte hnam zinga puipa Siptana fapa Kemuela.

25.

Tin, Zebuluna thlahte hnam zinga puipa Parnaka fapa Elizaphana,

26.

Isakara thlahte hnam zinga puipa Azana fapa Patiela.

27.

Asera thlahte hnam zinga puipa Selomia fapa Ahihuda,

28.

Naphtalia thlahte zinga puipa Amihuda fapa Padahela,Hengho hi Kanaan rama Israela thlah ram luah tur sem tura LALPA'n thu apekate chu an ni.

29.

Hengho hi Kanaan rama Israela thlah ram luah tur sem tura LALPA'n thu apekate chu an ni.

---

←  Numbers (34/36)  →