←  Nehemiah (12/13)  →
1. Sealtiela fapa Zerubabela leh Jesua hnena kal chho puithiamte leh Levi-hote chu hengte hi an ni; Seraia te, Jeremia te, Ezra te,
2. Amaria te, Maluka te, Hatusa te,
3. Sekania te; Rehuma te, Meremotha e;
4. Idova te, Ginethoia te, Abija te;
5. Mijamina te, Madia te, Bilga te;
6. Semaia te, Joiariba te, Jedaia te;
7. Salua te, Amoka te, Hilkia te, Jedaia te. Hengho hi Jesua dam laia puithiam zing leh an unaute zinga an hotute an ni.
8. Chung lo pawh Levi-hote: Jesua te, Binuia te, Kadmiela te, Serebia te, Juda te, lawm thu sawinaa hotu Matania te, amah leh a unaute chu.
9. Bakbukia leh Unova leh an unaute pawh chu a pawl pawlin an inchhawn thin a.
10. Tin, Jesua chuan Joiakima a hring a, Joiakima chuan Eliasiba a hring a, Eliasiba chuan Joiada a hring a,
11. Joiada chuan Jonathana a hring a. Jonathana chuan Jadua a hring a.
12. Tin, hengho hi Joiakima dam lai chuan puithiam, an chhungkaw puipate an ni: Seraia thlaha mi Meraia te, Jeremia thlaha mi Hanania te,
13. Ezra thlaha mi Mesulama te, Amaria thlaha mi Jehohanana te;
14. Malukia thlah mi Jonathana te, Sebania thlaha mi Josepha te;
15. Harima thlaha mi Adna te, Meraiotha thlaha mi Helkaia te;
16. Idova thlaha mi Zekaria te, Ginethona thlaha mi Mesulama te,
17. Abija thlaha mi Zikria te; Miniamina thlaha mi te, Moadia thlaha mi Piltaia te;
18. Bilga thlaha mi Samua te; Semaia thlaha mi Jehonathana te;
19. tin, Joiariba thlaha mi Matenaia te, Jedaia thlaha mi Uzia te;
20. Salaia thlaha mi Kalaia te, Amoka thlaha mi Ebera e;
21. Hilkia thlaha mi Hasabia te, Jedaia thlaha mi Nethanela te.
22. Levia chite chungchangah chuan, Eliasiba te, Joiada te, Johanana te, Jadua te dam laiin chhungkaw puipate chhinchhiah fel a ni a; chutiang bawkin puithiamte pawh Persia lal Daria lal thlengin chhinchhiah an ni a.
23. Eliasiba fapa Johanana dam lai thleng pawhin Levia fa, chhungkaw puipate chu chanchin ziakna buah chuan an chuang a ni.
24. Tin, Levi-ho puipate: Hasabia te, Serebia te, Kadmiela fapa Jesua te leh an unau, Pathian mi Davida thupek anga a pawl pawla inchhawna fak leh lawm thu sawitu turte nen.
25. Matania te, Bakbukia te, Obadia te, Mesulama te, Talmona te, Akuba te chu kawngkhar kianga bungraw dahkhawmna in leh kawngka vengtute an ni.
26. Hengho hi Jesua, Jozadaka fapaa fapa Joiakima dam laia mi leh ram awptu Nehemia leh Ezra puithiam leh lehkha ziaktu dam laia mi an ni a.
27. Jerusalem kulh an hlannaah chuan darbenthek te, perhkhuang te, tingtangte nena hla sa leh lawm thu sawia lawm taka a hlannaa tel tura Jerusalem-a rawn hruai turin Levi-hote chu an hmun zawng zawng ata an zawng chhuak a.
28. Jerusalem chhehvel ata leh Netophat-ho khuate atangin hla satuho fate an kal khawm a;
29. Bet-gilgal atang leh Geba leh Azmavet ram ata te pawh hla satute chuan Jerusalem velah chuan khua an lo siam ta hlawm si a.
30. Tin, puithiamte leh Levi-hote chu an intithianghlim a, tin, mipui te, kulh te, a kawngkharte an tithianghlim a.
31. Chutichuan Juda-ho mi liante chu kulh chungah chuan ka hruai chho a, lawm thu sawia inzui duah duah a kal tur pawl lian tak pawl hnih ka ruat a; pawl khat chu Bawlhhlawh Kawngka lamah, kulh chung ding lampangah an kal a;
32. tin, anni chu Hosaia leh Juda-ho mi lian zatve te,
33. Azaria te, Ezra te, Mesulama te,
34. Juda te, Benjamina te, Semaia te, Jeremia te,
35. tawtawrawt keng puithiam fapa thenkhatte, Asapha fapa Zakura, chu mi fapa Mikaia, chu mi fapa Matania, chu mi fapa Semaia chu mi fapa Jonathana, chu mi fapa Zekariate;
36. a unau Semaia te, Azarela te, Milalaia te, Gilalaia te, Maia te, Nethanela te, Juda te, Pathian mi Davida tum thin thilte keng Hananiate chuan an zui a; tin, lehkha ziaktu Ezran an hma a hruai a:
37. tin, Tuikhur Kawngka an thlenin, kulh chhoh tanna an hmazawn Davida khaw kailawna chhoin Davida in chhakah an kal a, chhak lampanga Tui kawngka thleng rakin.
38. Tin, lawmthu sawitu pawl dangte chu anmahni tawk turin an kal a, tin, keiin mipui zatvete nen Meipui chhehna In sang chhakah, kulh chungah kulh chhah thlengin kan zui a;
39. Ephraim Kawngka chungah te, Kawngka hlui chungah te, sangha Kawngka chungah te, Hananela in sang leh Hamea in sang chungah te, beram Kawngka thleng rakin: tin, Tan In Kawngkaah chuan an ding a.
40. Chutichuan lawm thu sawituho pawl hnihte chu Pathian inah an ding a, kei leh roreltu zatvete nen.
41. Tin, tawtawrawt keng puithiamho Eliakima te, Maseia te, Miniamina te, Milkaia te, Elioenaia te, Zekaria te, Hanania te;
42. tin, Maseiate, Semaia Elazara te, Jehohanana te, Malkija te, Elama te, Ezera te pawh. Tin, hlasatute chuan an hotu Jezrahia hoin ring takin an sa a.
43. Chu mi ni chuan inthawina nasa tak mai an hlan a, an hlim hle mai a; Pathianin hlim namen lohin a tihlim a ni; tin, hmeichhiate leh naupangte chen pawhin an hlim hle mai a: chuti chuan Jerusalem hlimna chu hla tak atang pawhin an hria a.
44. Tin, chu mi ni chuan thawhlawm te, then thilhlan te, thlai thar hmasa ber te, sawma pakhatte dahkhawmna pindantea hotu, danin a ruat ang, puithiam leh Leviaho chanvo khaw tin, lo zir ang zela la khawmtu turte an ruat a; Judate chu rawngbawltu puithiamte leh Levi-ho avang chuan an lawm hle mai a ni.
45. Davida leh a fapa Solomona thupek angin, hla satute leh kawngkhar vengtute pawhin an Pathian rawngbawl dan tur leh intihthianghlimna dan chu an zawm a.
46. Hman laia Davida leh Asapha dam lai chuan hla sa pawl hotu an awm thin a, Pathian fakna leh lawmna hlate an sa thin a ni.Zerubabela dam lai leh Nehemia dam lai chuan Israel zawng zawngin hla satute leh kawngkhar vengtute chu ni tina an tla tawk tur chanvo an siam thin a: tin, Levi-ho chanvo a tih hran sak bawk a; tin, an ni Levi hote chuan Arona fapate chanvo an tihhransak thin a.
47. Zerubabela dam lai leh Nehemia dam lai chuan Israel zawng zawngin hla satute leh kawngkhar vengtute chu ni tina an tla tawk tur chanvo an siam thin a: tin, Levi-ho chanvo a tih hran sak bawk a; tin, an ni Levi hote chuan Arona fapate chanvo an tihhransak thin a.
←  Nehemiah (12/13)  →