←  Micah (7/7)    
1. Ka chung a va pik em! nipui thei an seng khawm hun laia awm ang leh grep lawh hun laia grep hmaih lawh tur ang ka ni si a: rah bawr eitur a awm lo; ka nunnain theipui hmin hmasa a chak a ni.
2. Pathian ngaihsak mi chu lei ata a boral a, mihring zingah mi dik tak reng an awm lo: thisen chhuah turin an chang vek a; mitinin mahni unau chu lenin an veh a ni.
3. Til thalo tihna'n an kut chu a themthiam a, hotuten phut an nei a, roreltuten thamna an ngiat a, mi lianten an duhsam sual an hrilh a, an thu rual tlang a.
4. An zinga mi tha ber chu buar ang a ni a: mi dik ber pawh chu hnim hling nei aiin a chhe zawk: i vengtute ni, fana i awm ni ngei chu a lo thleng e; chu chu a manganna ni a ni ang.
5. Thian ring suh u la, hruaitu ah chuan rinna nghat suh u: i angchhunga awm i lak atang chuan i ka kawngkharte chu veng tha rawh.
6. Fapain pa hming a tichhia a, fanu chuan a nu a do a, moin a pi a do si a; mihring hmelmate chu ama chhungte ngei an ni.
7. Kei erawh chuan LALPA lam ka en ang a; ka chhandamna pathian chu ka nghak ang: ka Pathian chuan mi ngaithla dawn a ni.
8. Aw ka hmelma, mi diriam mai suh: ka tluk hun chuan ka tho leh ang: thima ka thut pawhin LALPA chu ka tan eng a ni ang.
9. LALPA chungah thil ka tihsual tak avangin, a lungnih loh em emna chu ka phur ang, ka chung thu mi sawipuia, ka tan rorelna chu a hlen hma loh chuan: engah mi hruai chhuak ang a, tin, a felna chu ka hmu ang.
10. Tichuan ka hmelma ka hnena, Khawiah nge LALPA i Pathian, titu chuan chu chu a hmu ang a, mualphonain ani chu a khuh ang, ka mitte hian amah chu a en ang a; tunah chuan kawtthler chirdiak anga rah beh a ni tawh ang.
11. I kulh bangte siamna ni tur chu! chumi niah chuan thuruat chu hlatak thlenga tihzau a ni ang.
12. Chumi niah chuan Assuria ram leh Aigupta khawpui atangte chuan i hnenah an lo kal ang.
13. Chuti chung pawh chuan ram chu, a chhunga chengte avang leh an thiltih rah avang chuan tih tiau a ni ang
14. Karmel tlang kara ramhnuaia khawhar taka awm i rochan beram rual, i mite chu i talhtum hmangin chawm la: hmasang ang khan Basan leh Gilead-ah chawm in awm hlawm rawh se.
15. Aigupta ram atanga i kal chhuah lai ang khan a hnenah thil mak takte ka entir ang.
16. Hnam tinin chu chu an hmu ang a, an thiltihtheihna zawng zawng chu an zahpui ang: an hmui an hup ang a, an beng te a ngawng ang.
17. Rul angin vaivut te an liak ang a; leia bawkvaka kalte angin an awmna kua atang chuan khur chungin an lo kal ang a: LALPA kan pathian hnenah chuan tih chungin an lo kal ang a, nangmah avangin an hlau ang.
18. Nang anga khawlohna ngaidamtu leh a rochan la awm chhun bawhchhiatna leh pel tu pathian tu nge awm? A thinrimna chu kumkhuain a vawng reng lo, khawngaihnain a lawm em em thin avangin.
19. A hawi kir leh ang a, kan chungah khawngaihna a nei ang; kan khawlohnate chu a ke hnuaiah a rapbet ang: nangin an sualna zawng zawngte chu tuifinriat mawng thuk takahte chuan i paih lut ang.Hmasanga kan pute hnena chhia i chham tawh, Jakoba hnena thutak leh Abrahama hnena khawngaihna chu i hlen ang.
20. Hmasanga kan pute hnena chhia i chham tawh, Jakoba hnena thutak leh Abrahama hnena khawngaihna chu i hlen ang.
←  Micah (7/7)