←  Matthew (20/28)  →

---

1.

Van ram chu, in neitupa a grep huana hnathawktute ruai tura zinga chhuaka ang chu a ni si a.

2.

Tin, ani chuan hnathawktute nen chuan ni khata duli hlawha an inrem veleh a grep huanah chuan a tir ta hlawm a.

3.

Tin, feh reh san lai velin a va chhuak a, mi dang dawr hmuna ding mai maite a hmu a.

4.

Tin, an hnenah, 'Nangni pawh grep huanah va kal ve tawh u, a mawi tawk apiang ka pe ang che u,' a ti a. Tichuan an kal ta a.

5.

Tin, chawfak hun lai velah leh behliangmun hun lai velah chuan a va chhuak leh a, chutiang bawkin a ti leh a.

6.

Tin, pahmei zanriah chhum hun lai velah chuan a va chhuak a, mi dang dingte a hmu a; tin, an hnenah, 'Engati nge nilengin heta in din mai mai ni?' a ti a.

7.

Anni chuan a hnenah, 'Tuma'n min rawih loha vangin,' an ti a. Ani chuan an hnenah, 'Nangni pawh grep huanah va kal ve tawh u,' a ti a.

8.

Tin, khua a lo tlai lam chuan, grep huan neitupa chuan, a sum enkawltu hnenah, 'Hnathawktute kha ko la, a hnuhnung bera tanin a hmasa ber thlengin an hlawh pe rawh,' a ti a.

9.

Tin, pahmei zanriah chhum hun lai vela a rawihte chu a lo kal chuan duli an hmu theuh a.

10.

Tin, a hmasa berte chu an lo kal chuan, hmuh tam deuh an inring a; nimahsela anni pawh chuan duli bawk an hmu theuh a.

11.

Tin, an han dawn chuan, 'Heng hnuhnung berte hian darkar khat chauh an thawk a, keini chhun hrehawm leh thawsa tuartute tlukin i siam si,' tiin.

12.

In neitupa chungah chuan an phunnawi ta a.

13.

Ani erawh chuan, an zinga mi pakhat hnenah, 'Thiana, i chungah engmah ka tisual hlei nem; duli hlawhah kan inrem lo em ni?

14.

I ta kha la la, kal mai rawh; nangmah ka pek che ang bawk kha he hnuhnung ber hnenah hian ka pe duh a ni.

15.

Ka ta na na na chu ka duh duha ka tih a thiang lo em ni? A nih loh leh kei ka that avangin nangin i itsik em ni? tiin a chhang a.

16.

Chutiangin, hnuhnung berte chu a hmasa berte an la ni ang, hmasa berte pawh chu a hnuhnung berte an la ni ang, a ti a.

17.

Tin, Isua Jerusalem khuaa a han chhoh laiin zirtir sawm leh pahnihte chu a hruai hrang a, kalkawngah chuan an hnenah,

18.

Ngai teh u, Jerusalem khuaa kan chhoh dawn hi; Mihring Fapa hi puithiam lalte leh lehkhaziaktute kuta mantirin a awm dawn a ni; tin, anni chuan thi turin a chungah thu an titlu ang a.

19.

Nuihza siamna'na hman tur leh vuak tur leh kraws-a khenbeh turin Jentailte hnenah an pe ang; tin, ni thum nia kaihthawhin a awm ang, a ti a.

20.

Chu mi lai chuan Zebedaia fapate nu chu a fapate hruaiin, a hnenah a lo kal a, chibai a buk a, thil eng emaw a dil a.

21.

Tin, ani chuan a hnenah, Engnge i duh?, a ti a. Tin, ani'n a hnenah, he'ng ka fapate pahnih hi i ramah, i ding lamah pakhat, i vei lamah pakhat an thut theihna turin thu pe ang che, a ti a.

22.

Isua erawh chuan, In dil chu in hre lo a ni. Ka no in tur chu in in thei em ni? a ti a, a chhang a. Anni'n a hnenah, Thei e, an ti a.

23.

Ani chuan an hnenah, Ka no chu in in ngei ang; nimahsela ka ding lam leh vei lama thut tur thu chu keia pek tur a ni lo a, ka Pa buatsaihsakate tan a ni zawk ang, a ti a.

24.

Tin, sawmte chuan chu chu an lo hriatin unau pahnihte chungah chuan an thinur ta a.

25.

Isua erawh chuan anniho chu a ko a, Jentailte chunga roreltute chu an chungh an lal em em thin a, an mi liante chuan an chungah thu an nei em em bawk thin tih in hria.

26.

Nimahsela, nangni zingah zawng chutiang a ni lo ang; tupawh in zinga mi lian nih duh apiang chu in rawngbawltuah a awm zawk tur a ni.

27.

Tupawh in zinga hmasa ber nih duh apiang chu in chhiahhlawhah a awm bawk tur a ni.

28.

Mihring Fapa hi rawngbawlsaka awm turin a lo kal lo a, rawngbawl tur leh mi tam tak tlanna'na a nun pe tur zawka a lo kal ang khan, a ti a.

29.

Tin, Jeriko khua ata an chhuah laiin, mipui tam takin amah chu an zui a.

30.

Tin, ngai teh, mitdel pahnih kawng sira thu chuan Isua a kal tih an hriat veleh, Lalpa, Davida fapa, min khawngaih rawh, tiin an au a.

31.

Tin, mipui chuan ngawi turin an hau a; nimhsela, anni chuan, Lalpa, Davida fapa, minkhawngaih rawh, tiin an au lehzual a.

32.

Tin, Isua a ding a, anmahni a ko a, In chungah engtia ka tih nge in duh? a ti a.

33.

Anni chuan a hnenah, Mit var kan duh, an ti a.Tichuan, Isua'n a khawngaih em em a, an mit a dek a; tichuan an hmu thei ta nghal a, amah chu an zui ta a.

34.

Tichuan, Isua'n a khawngaih em em a, an mit a dek a; tichuan an hmu thei ta nghal a, amah chu an zui ta a.

---

←  Matthew (20/28)  →