←  Job (6/42)  →
1. Tichuan, Joba chuan a chhang a, heti hian a ti a,
2. Aw, ka manganna hi buk ni teh se la, Ka vanduaina hi buknaah dah ni teh se la!
3. Tuipui tiau aiin a rit dawn si: Chuvang chuan ka thu a bung a ni.
4. Engkimtitheia thal ka chungah a awm si a, A tur chu ka thlarauin a in zo a; Pathian tihbaiawmna chuan mi ep a.
5. Ram sabengtungin hlobet a peh laiin a hram em ni? Bawngpa pawh a buhpawl chungah a bu em ni?
6. Tuina nei lo chu chi tel loin a ei theih em ni? Artui pawnvar pawh hian hanna a nei em ni?
7. Ka nunna hian khawih pawh a duh lo e, Ka tan ei tur tenawm tak ang a ni.
8. Aw, ka dil chu hmu thei teh i la! Pathianin ka thil chak chu mi te pe teh se!
9. Pathianin mi rawtsawm mai duh teh se! A kut lekin mi tan chhum mai teh se la!
10. Chuti pawhin thlamuanna ka la nei cheu, A ni, ka lawm cheu vang, natna thlah loh chung pawhin, Mi thianghlima thu chu ka phat loh avangin.
11. Ka chakna hi eng nge nia, ka han nghah rengna tur chu? Ka tawpna eng nge nia, ka han dawh rengna tur chu?
12. Ka chakna hi lung chakna em ni? ka tisa pawh hi dar em ni?
13. Tha han so tur reng ka nei lo a, Keimahah sawm khawm tur reng a awm lo.
14. Chau tep tawh chungah chuan a thian a ngilnei tur a ni a. Engtimtithei tihna hawisantu chungah pawh.
15. Ka unaute chu kawrte rum anga bumhmang an ni a, Kawrte tui relhtu ang mai hi;
16. Tui khal avanga lo duma, Vur inthup thinna chu:
17. A lum hun chuan an kang thin a, A lo sat chuan an hmun ata an bo thin.
18. Sumdawng rualte chuan an kawng an rawn pensan a, Ram rovah an lut a, an boral a.
19. Tema sumdawng rualte chuan an en a. Seba khualzinte chuan an beisei a;
20. An beisei tak a, an hlawhchham a, An va kal a, an hrilhhai a.
21. Ka chungah chutiang chauh chu in ni, Ka chhiat tawh in hmu a, in hlau a.
22. 'Mi pe teh u' emaw, 'In sum in pai mi hlan teh u' emaw
23. Hmelma kut ata mi chhan chhuak teh u' emaw Hnehchhiahtute kut ata mi tlan teh u' emaw ka ti em ni?
24. Mi zirtir u la, ka ngawi ang e; Ka bona lai mi hriattir rawh u.
25. Thu dik chu a chak em em! mahse, in thu hian eng nge a thawh?
26. Tawng mai mai hi zilh in tum em ni? Mi mangang tawng hi thli ang mai a ni.
27. A ni, pa nei lo chungah thum in vawr duh a, Sumdawnna'n in thian in hmang a.
28. Tunah mi en teh mah u, In hmai hmaah ka daw hauh lo ang.
29. Lamlet u la, mi dem mai teh suh u, Lamlet u la, ka thu rel fel a la ni hlei nem.Ka leiah dik lohna a awm em ni? Thil tha lo chu a thlei thei lo em ni?
30. Ka leiah dik lohna a awm em ni? Thil tha lo chu a thlei thei lo em ni?
←  Job (6/42)  →