| ← Job (26/42) → |
| 1. | Tichuan, Joba chuan a chhang a, heti hia a ti a: |
| 2. | Chakna nei lo mi chu i va han pui ve le! Thahrui nei lo ban chu i va han chhan ve le! |
| 3. | Finna nei lo chu i han zilh fing a, Hriatna tha tak i sawi hnem teh e! |
| 4. | Tu hnenah nge thu i chhah chhuak a, Tu thlarau nge i hne ata lo chhuak ni! |
| 5. | Thi tawhte an khur a, Tuite leh a chhunga chengte hnuaiah chuan |
| 6. | A hmaah chuan Seol chu saruak ani a, Abadon chuan khuhna anei lo. |
| 7. | Hmun ruakah chuan hmar a tipharh a, Lei chu engmah loah a khai kang a. |
| 8. | A chhum chah tak chuan tuite a fun khawm a, An hnuaia chhum chu a keh lo a. |
| 9. | A lalthutthleng hma chu a khuh a, A chunah chhum a zintir a. |
| 10. | Tui ramri a siam a, Thim leh eng thlen chinte nen. |
| 11. | Van dona bante chu a nghing dur dur a, A zilhhauna chu mak an ti a. |
| 12. | A thiltihtheihnain tuipui a tingwai a A hriatthiamnain Rahab chu a tan chhum a. |
| 13. | A thawin van chu a tithiang a, A kutin rulpui tlan chak chu a thil tlang a.Ngai teh, he'ng hi a kawng pawn lam lek a ni, A chanchin kan hriat hi a va beithem em! A thiltihtheihna ri thawm chu tu nge hre zo thei ang? |
| 14. | Ngai teh, he'ng hi a kawng pawn lam lek a ni, A chanchin kan hriat hi a va beithem em! A thiltihtheihna ri thawm chu tu nge hre zo thei ang? |
| ← Job (26/42) → |