←  Job (15/42)  →
1. Tichuan, Elifaza Temani mi chuan a chhang a, heti hian a ti a:
2. Mi fingin hriatna lothlawn hmangin a chhangin,Khaw chhak thliin a pum a tipuar ang em ni?
3. Tawng tlaktlai lo hmangin emaw Thusawi thatna nei lo hmangin emaw a sawi dawn em ni?
4. A ni, tihna chu i tibo a, Pathian hmaa inhlannai tineu va ni.
5. I khawlohna chuan i ka a thunun a, Fin vervek tawng i thlang a nih hi,
6. Kei ni loin, nangma tawngkam ngeiin a thiam lo che a, A ni, i hmui ngeiin a hek che a ni.
7. Piang hmasa ber i ni em ni? A nih loh leh, tlangte awm hmain i piang tawh em ni.
8. Pathian thuruk chu i hria em ni? Nangma tan chauh finna i khur khung em ni?
9. Kan hriat loh eng nge i hriat bik? Kan hriat loh eng nge i hriat theim bik?
10. kan hnenah hian lua kelsam to tawhte leh upa takte, I pa aia upa daihte an awm a ni.
11. I tan Pathian tawng thlamuanna hi a neu lutuk em ni? Nem taka a tihna thu che hi?
12. Engah nge i thinlungin a hruai bo che? Eng tizia nge i men tal tawp tawp ni?
13. Pathian chungah thaw i sang a, I kaa chutiang thu a chhuah kha.
14. Thianghlim tur chuan mihring hi eng nge a nih? Fel tur chuan hmeichhe hrin hi eng nge a nih?
15. Ngai teh, a mi thianghlimte chungah rina a nghat lo a, A ni, a mithmuhah chuan van pawh a fai lo.
16. Mi tenawm leh bawlhhlawh sa, Khawlohna, tui ina in chu a va ni lo lehzual dawn em!
17. Mi ngaithla la, ka entir ang che, Ka hmuh chu ka puang dawn e:
18. Mi fingten an hril thina chu, An pi puten an thup loh,
19. Anmahni chauh ram an lo pek, Mi dang tumah tel lohna chu?
20. Mi suaksual chuan a dam chhung zawng na a tuar a, Hnehchhiahtu tana kum tuk zatte pawh chu.
21. Hlauhawm thawmte chu a bengin a hria a, A hmuingil laiin rawktuin a rawn bei a.
22. Thim ata chhuah a inring lo a, A hmabak chu khandaih a ni.
23. Ei tur zawngin a vakvai a, Khawnge? tiin, Thimna ni chu a kutah ngasa tih a hria:
24. Hreawmna leh thawpikna chuan a tihlau a; Lal inpeihsain indona a hneh angin amah an hneh a;
25. Pathian chunga a kut a lek leh Engkimtitheia chunga chapo taka a chet avangin;
26. Luhlul takin ama chungah a tlan a, A phaw lai pjnawg chhah pui nen chuan;
27. A thauin a hmai atuam a, A kawngah thau a chheng a;
28. Khawpui tiau hnuahte a cheng a, Tuma luah loh inahte chuan.
29. A hausa lo ang a, a sum leh pai chu a awm hlen hek lo ang a, An neihte chu lei lamah an kur hek lo ang.
30. Thim ata a chhuak lo ang a, Meialhin a zarte a hliau lo ang a, A kaa a thawah a kal bo ang.
31. Mahni inhumin engmah loah innghat suh se, A hmuh tur chu engmah lo ani dawn si a.
32. A hun hmain a tlingtla ang a, A zar chu a hring lo ang.
33. Grep hrui angin a rah hel a sawi til ang a, Olive thing angin a par a thing thla ang.
34. Pathian ngaihsak lo pawlte chu an cha der ang a, Thamna puan inte chu meiin a kang ral ang.Pawi khawih an ngaihtuah a, Khawlohna an rawn chhuah a, An pumin bumna a buatsaih a ni.
35. Pawi khawih an ngaihtuah a, Khawlohna an rawn chhuah a, An pumin bumna a buatsaih a ni.
←  Job (15/42)  →