←  Job (10/42)  →
1. Ka thlain a ning e, ka nun hi,Ka nawmmakin ka phunnawi dawn e:Rilru na em em chungin ka tawng dawn hi.
2. Pathian hnenah heti hian ka ti dawn:Mi thiam lo suh, i mi demna mi entir zawk rawh.
3. Mi hnehchhiaha, i kut hnathawk hmusita,Mi suaksual remruat tih-en hi tha i ti em ni?
4. Tisa mitte chu i nei vein Mihring hmuh angin i hmu em ni?
5. I nite chu mirhing nite ang em ni?I kumte pawh mihring kumte ang em nia,
6. Ka khawlohnate i chhui teh chiama,Ka sualna pawh i zawn teh chiam ni?
7. Mi suaksual ka ni lo tih i hria.I kut ata chhan chhuak tur lah chu an awm lo.
8. I kutin mi din a, mi siam a, kim biaiin,Mahse, nangin mi tiboral a.
9. Nangin hlum angin mi siam tih hre reng teh aw;Vaivutah mi chantir leh dawn em ni?
10. Nangin hnute tui angin mi leih chhuakin Hnute khal angin mi hlawm ani lo'm ni?
11. Vun leh tisain mi tuam a,Ruh leh thatein mi phiar khawm a,
12. Nangin nunna leh duhsakna mi pe a,I mi enkawlna chuan ka thlarau a zuah a.
13. Mahse, he'ng hi i thinlungan i lo thup a,Nangmahah hei hi a awm tih ka hria.
14. Lo sual i la, nangin mi chhinchhiah ang a,Ka khawlohna ata mi tichhuak lo ang.
15. Mi suaksual lo ni ta i la, ka chung a pik ang; Mi fel ni i la, ka inluling lo ang; Mualpho letder chungin leh ka hrehawm enin.
16. Lo indah sang i la nangin sakeibaknei pelin mi pel a,Ka chungah mak takin i inentir leh a.
17. Ka chungah i thu i tharthawh a.Ka chungah i thinur i tipung a.A hlawp hlawpin mi bei a.
18. Eng vanga chhul ata mi la chhuak nge i nih?Tuma hmuh hmain lo thi tawh i la,
19. Awm lo ang mai ka lo ni ang a,chhul ata thlana lak ka lo ni mai tur,
20. Ka nite hi rei lo te a ni lo'm ni?Chawl se, mi ngawihsan se, thaw han la hlek teh i la.
21. Kir tawh lohna tur hmuna ka kal hma hian Thimna leh thihna daihlim ramah chuan,Thim chhah mup ram, thim tak mai chu,Thihna daihlim, kawngzawng awm lo, Eng pawh thim a nihna hmunah chuan.
22. Thim chhah mup ram, thim tak mai chu,Thihna daihlim, kawngzawng awm lo, Eng pawh thim a nihna hmunah chuan.
←  Job (10/42)  →