←  Hosea (2/14)  →
1. In unaupate hnenah chuan, Ammia, ti u la, in far nute hnenah chuan, Ruhamai, ti rawh u.
2. In nu hi bei rawh u, bei rawh u; Ani hi ka nupui a ni si lo a, kei pawh a pasal ka ni lo: A hmel ata nawhchizawrh chin hi paih thla se la, Atanglai ata a uire chin hi paih thla rawh se;
3. Chutilochuan ka tisaruak ang a, A pian nia a awm angin ka awmtir ang a, Thlaler angin ka siam ang a, Ramro angin ka awmtir ang a, Tuihalin ka tihlum ang.
4. A fate pawh ka lainat lo ang, Nawhchizuar fate an ni si a.
5. An nu chuan nawhchi a zuar thin a, Anmahni paitu chu zahpui awm takin a awm: Ka chaw te, ka tui te, ka sahmul te, ka la te, hriak te leh ka in tur te mi petu, ka ngaihzawngte ka um ang, a ti a ni.
6. Chuvangin ngai teh, i kawng chu hlingin ka ping ang a, A mah dalin dai ka theu vang a, A kawngte a hmu lo ang.
7. Tin, a ngaihzawngte chu a um ang a, A um phak lo ang; Anmahni a zawng anga, a hmu lo ang; Tichuan ka pasal hmasa hnenah ka kir teh ang, Tun ai hian hman kha ka tan a tha zawk si, a ti ang.
8. Buh te, uain te, hriak te hi,Tangka ka tihpun sak te hi, Rangkachak Baal tana an hman te nen, Keima pek a ni tih a hre si lo.
9. Chuvangin, ka buh chu a seng hunah,Ka uain pawh a sawr hunah ka la kir leh ang, Ka sa hmul leh ka la, a saruak khuhna tur chu ka lak sak ang.
10. Chutichuan a ngaihzawngte mit hmuhah A saruak zahmawh ka ti lang ang, Ka kut ata tuma'n an chhanchhuak lo ang.
11. A hlimna zawng zawng, a kut te, a thla thar te, A chawlhni te leh a puipun hun zawng zawng te ka tireh bawk ang.
12. A grep leh a theipui kung, Heng hi a ngaihzawng mi pek ka hlawh chu a ni, A tih thina te chu ka tiram ang: Ramhnuaiah ka siam ang a, ramsa ten an ei ang.
13. Rimtui a halsak thin Baal nite chu a chungah ka thungrul ang, Chunglai chuan a bengbehte leh a incheimawinate a inbel a, A ngaihzawngte a pan a, kei mi theih nghilh a ni, Tih hi LALPA thu chhuak a ni.
14. Chuvangin, ngai teh, ka thlem ang a, thlalerah ka hruai ang a, ngaihawm takin amah ka bia ang.
15. Tin, chuta chinah chuan, a grep huan te chu a hnenah ka pe ang, Akor ruam pawh beiseina kawngka atan: Chutah chuan a tleirawl lai nite leh Aigupta ram atanga a lo chhuah ni ang khan a chhang ang.
16. LALPA thu chhuak chuan heti hian a ti: Chumi ni-ah chuan ramsa te, chungleng sava te, Leia rannungte nena thuthlung an tan ka siam ang a: Thal ngul te, khandaih te, indona te hi Lei ata ka tiboral ang a, him takin ka awmhotir ang.
17. Kumkhuain ka tan ka hual tlat ang che; Felna te, rorelna te, khawngaihna te, lainatna tein Ka tan ka hual ang che.
18. Rinawmnain ka tan ka hual ang che. Tichuan LALPA chu in hre tawh ang.
19. Chumi ni-ah chuan heti hi a ni ang a, Ka bia ang a,tin,annin lei an bia ang a;
20. Tin, lei chuan buh te, uain te, hriak te an bia ang;
21. Tin, annin Jezreel an bia ang.Tin, ani chu ka tan leiah ka ching ang a; Lainatdawnglovi chu ka lainat ang a, Kaminilova chu, Ka mi i ni, ka ti ang a, Tin, anin, Ka pathian i ni, a ti ang.
22. Tin, ani chu ka tan leiah ka ching ang a; Lainatdawnglovi chu ka lainat ang a, Kaminilova chu, Ka mi i ni, ka ti ang a, Tin, anin, Ka pathian i ni, a ti ang.
←  Hosea (2/14)  →