←  Hosea (14/14)    
1. Aw Israel, LALPA i pathian lamah chuan kir leh rawh I khawlohna avang ngeiin i tluk tak hi.
2. Thu keng chungin LALPA lamah kir leh la, A hnenah chuan heti hian sawi rawh: Khawlohna zawng zawng chu la bo la, a tha apiang chu pawm ang che; Tichuan kan hmui rah te chu bawngpa aiah ka rawn hlan ang e.
3. Assuria chuan min chhandam lo ang a, Sakawr chungahte chuan kan chuang lo ang; Kan kut chhuakte hnenah chuan, Kan pathian in ni e, kan ti tawh hek lo ang. Fahrahte chuan nangmahah hian Khawngaihna an lo hmu thin a ni si a.
4. An hnungtawlhna hi ka tidam ang a, An lak atanga ka thin rimna chu a kian tak avangin, Anni chu ka hmangaih hrim hrim dawn a ni.
5. Israel lakah chuan daifim ang ka ni ang a, Ani chu lili angin a lo vul ang a, Lebanon tlang thingzung angin a zung a thlak darh ang.
6. A zarte chu a tawi luih ang a, A mawizia chu olive thing ang mai a ni ang a, Lebanon tlang angin a rimtui ang.
7. A hlima chengte chu an lo kir ang a, Buh angin an nung thar ang a, grep hrui angin an lo duah ang: Lebanon uain angin an hming a thang ang.
8. Ephraim chuan milemte nen in zawlna eng nge a neih tawh ang? Kei hi a tawngtaina chhangtu ka ni a, A tungdingtu pawh ka ni: Kei chu far thing hring dup ang ka ni a, I rah thate chu keima laka mi a ni e.Tunge finga he'ng hi hre thiam thei ang; Tunge fingvara hre thei ang? LALPA kawngte chu a dik a, Mi dikte chuan an zawh dawn a ni si a; Bawhchhetute erawh chu chutah chuan An inchhuih thlu dawn a ni.
9. Tunge finga he'ng hi hre thiam thei ang; Tunge fingvara hre thei ang? LALPA kawngte chu a dik a, Mi dikte chuan an zawh dawn a ni si a; Bawhchhetute erawh chu chutah chuan An inchhuih thlu dawn a ni.
←  Hosea (14/14)