←  Ezekiel (9/48)  →
1. Tichuan ka beng hriatah chuan,"Khawpui en kawltute chu mitin tihboralna hriamhrei kengin lo hnai rawh se," tiin ringtakin a au a.
2. Tin, ngai rawh hmarlam kawngka chungnung kalna atang chuan mi paruk an lo kal a, mitinin tihhlumna hriamhrei chu an keng theuh a; tin, an laia mi pakhat puan zai sin sin chuan lehkhatui bur a pai a. Tin, an lut ta a, dar maicham bulah chuan an ding ta a.
3. Tin, Israelte Pathian ropuina chu a awmna cherub atang chuan chu in kawngka bulah chuan a chho a; tin, puanzai sin sin, lehkhatui bur paitu kha a au a.
4. Tin, LALPA chuan a hnenah,"Khawpui chu fang la, Jerusalemte chu fang chhuak rawh: a chhunga thil tenawm tih tawhte avanga thawpika tap thinte chu an chalah chhinchhiah ang che," a ti a.
5. Tin, midangte hnenah chuan ka hriat ngei in,"A hnungah sawn khawpui chu fang chhuak u la, kut thla rawh u, in mitin hmuh hmaih suh se la, khawngaih hek suh u.
6. Putar te, tlangval te, nula te, naupangte leh nute that fai vek rawh u, chhinchhiahna neite erawh chu rawn hnaih suh u; ka hmun thianghlimah tan rawh u," a ti a, Tichuan biakin kawta upahovah chuan an tan ta a.
7. Tin, a ni chuan ka hnenah,"In chu tibawrhbang u la, a hung chhungte chu miruangin tikhat u la: chhuak rawh u a ti a, Tin, an chhuak ta a, khawpuiah chuan an che ta a.
8. Tin, heti hi a ni a, khawpui an chet lai chuan kei chu hnutchhiahin ka lo awm a, ka tlu bawkkhup a,"Aw LALPA PATHIAN, Jerusalem chunga i thinur leihbuakah hian Israel la awm chhunte pawh i ti boral vek dawn em ni?" tiin ka au a.
9. Tichuan a ni chuan ka hnenah,"Israel leh Juda chhungte khawlohna chu a nasa em a ni. Ram chu thisenin a khat a, khawpui chu hlem hle rorelnain a khat a: 'LALPA'n ram chu a kalsan tawh a, LALPA'n engmah a hmu hlei nem!' an ti si a.
10. Keipawh hian ka hmu hmaih lo ang a, ka khawngaih hek lo ang; an sual mawh chu a burin ka khumtir ang," a ti a.Tin, ngai teh, puan zai sin sina lehkhatui bur pai khan thu chu a thlen a, "I thu mi pek angin ka tizo ta," a ti a.
11. Tin, ngai teh, puan zai sin sina lehkhatui bur pai khan thu chu a thlen a, "I thu mi pek angin ka tizo ta," a ti a.
←  Ezekiel (9/48)  →