Ecclesiastes (1/12)  →

---

1.

Jerusalem la, Davida fapa, Thuhriltu thute chu.

2.

Thuhriltu chuan, Engmah lo mai mai, thil zawng zawng hi engmah lo mai a lo ni, a ti a.

3.

Mihringin a hnathawh, ni hnuaia a thawhah chuan hlawmna eng nge a hmuh?

4.

Chhuan khat an liam a, chhuan dang an lo chhuak a, lei hi erawh chu a awm reng mai.

5.

Ni pawh chu a lo chhuak a, tin, a tla leh a, a chhuahna tur lam panin a hmanhmawh thin.

6.

Thli chu chhim zawngin a tleh a, hmar hawiin a lo let leh a; a tleh vel a tleh vel a; tin, a bial ngaiah a kir leh thin a.

7.

Lui zawng zawngte chu tuipuiah an luang lut a, mahse tuipui chu a khat chuang lo; luite chu an luanna thin lamah chuan an luang reng a.

8.

Thil zawng zawng hi ninawm mai mai a ni; sawiin a siak lo e: Mit chu a thil hmuhah a tlai lo a, beng pawh a thil hriat a kham hek lo. Thil lo awm tawh chu lo awm tur renga kha a ni a.

9.

Thil tih takate chu tih tur reng kha a ni: Ni hnuaiah hian thil thar reng reng a awm lo e.

10.

Miin, en rawh, hei hi a thar a ni, a tih theih reng reng a awm em ni?

11.

Tun hma thil tuma'n an hre reng lo a. Nakinah pawh tun lai thil hi an hre reng lo ang.

12.

Kei, thuhriltu hi Jerusalema Israel-te lal ka ni tawh.

13.

Tin, van hnuaia thiltih tak zawng zawng chungchang chu finna hmangin fiah leh hmuchhuak turin ka rilru ka lo hmang ta a: Pathianin mihring fate hnena buaipui tura a lo pek hi hna hrehawm tak a ni.

14.

Ni hnuaia thiltih tak zawng zawngte chu ka hmu ta a, tin, ngai rawh, thil zawng zawng hi engmah lo leh thil lothlawn mai a lo ni.

15.

A kawi tawh kha chu tihngilh theih a ni lo a, a awm lo chu chhiar rual a ni lo.

16.

Ka hmaa Jerusalema awmte zawng anwg aia nasain finna ka nei alawm maw! Ka rilru pawhin fina leh hriatna a nei nasa reng a ni, ka inti a.

17.

Tin, ka rilru hi finna hre tur leh atna leh fin lohna hre tur pawhin ka hmang a: hei pawh hi thil lothlawn mai a lo ni tih ka lo hre ta.Finna a nasat poh leh buaina a tam a, hriatna a pun poh leh manganna a pung.

18.

Finna a nasat poh leh buaina a tam a, hriatna a pun poh leh manganna a pung.

---

Ecclesiastes (1/12)  →